အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Thursday, December 10, 2015

ရဲလိုက်လို့ ရေကန်ထဲ ဆင်းပုန်းရင်း မိချောင်းစားတာ ခံလိုက်ရတဲ့ ဖောက်ထွင်းဝိဇ္ဖာ




ဖောက်ထွင်း ၀ိဇ္ဖာ တစ်ယောက် အဖြစ် သံသယ ရှိခံ ရသူဟာ သူ့နောက်ကို ရဲတွေ လိုက်ဖမ်းလို့ ထွက်ပြေးရင်း ရေကန် တစ်ကန်ထဲမှာ ၀င်ရောက် ပုန်းနေရာ ကနေ ကန်ထဲမှာ ရှိတဲ့ မိချောင်း စားတာ ခံလိုက် ရပါတယ်။

အသက် ၂၂ နှစ် အရွယ် Matthew Riggins ဟာ ဖလော်ရီဒါ ပြည်နယ် Palm Bay ဆိုတဲ့ ရေကန် ထဲမှာ ရှိတဲ့ မိချောင်း တစ်ကောင် ကိုက်ချီ စားသောက်လိုက်ခြင်းကို ခံခဲ့ရသူပဲဖြစ်ပါတယ်။

စုံစမ်းစစ်ဆေးရေး အရာရှိတွေဟာ Riggins ကိုရှာဖွေရင်းပဲ သူ့ရဲ့ ခန္ဓာကိုယ် အစိတ်အပိုင်းတွေဟာ မိချောင်းရဲ့ အစာအိမ်ထဲရောက်နေတာကို တွေ့ခဲ့ရတာဖြစ်တယ်လို့ Brevard ခရိုင် ရဲတပ်ဖွဲ့ရုံးရဲ့ တရားဝင်ပြောကြားချက်အရသိရပါတယ်။

ပြီးခဲ့တဲ့ နိုဝင်ဘာ ၁၃ ရက်နေ့က Barefoot Bay ဆိုတဲ့ ရပ်ကွက်ထဲမှာရှိတဲ့ နေထိုင်သူတွေဟာ အိမ်တွေရဲ့ အနောက်ဖက်မှာ လူ ၂ ယောက် လမ်းလျှောက်နေတာတွေ့တဲ့အတွက် ရဲစခန်းကို အကြောင်းကြားခဲ့တာဖြစ်ပြီး ရဲဝန်ထမ်းတွေဟာ ခွေးတွေနဲ့ ဟယ်လီကော်ပတာ တွေကို အသုံးပြုပြီး Riggins နဲ့ အခြား သံသယ ရှိသူတွေကို ရှာဖွေခဲ့ကြတာဖြစ်ပါတယ်။

အခင်းဖြစ်ပွားတဲ့ ညမှာတော့ တရားခံလို့ သံသယ ရှိခံရသူ တစ်ယောက်မှာ မဖမ်းမိခဲ့ပါဘူး။ Riggins ဟာ အိမ်ပြန်ရောက်မလာတဲ့အတွက် သူ့ရဲ့ မိသားစုဝင်တွေ လူပျောက်ကြေညာထားခြင်းကိုလည်းခံထားရပါတယ်။ သူ့ရဲ့ အစိတ်စိတ် အမြွှာမြွှာ ကွဲနေတဲ့ ခန္ဓာကိုယ် အစိတ်အပိုင်းတွေကိုတော့ အခင်းဖြစ်ပွားပြီး ၁၀ ရက်အကြာမှာ ကန်ထဲမျောနေတာတွေ့ခဲ့တာပဲ ဖြစ်ပါတယ်။

ရဲအရာရှိတွေရဲ့ စုံစမ်းသိရှိရမှုအရ Riggins ဟာ သူ့ရဲ့ ကောင်မလေးထံဖုန်းဆက်ပြီး သူ မှုခင်းတစ်ရပ် ကျူးလွန်ထားကြောင်းပြောပြခဲ့သလို သိပ်မကြာခင်မှာ ဖုန်းထပ်ဆက်ပြီး ရဲတွေလိုက်တာခံနေရတယ်လို့ ဆိုခဲ့ဖူးပါတယ်။

Ref : Metro

Original link - http://knowledge.thithtoolwin.com/2015/12/blog-post_58.html

ဒီပို့စ်လေးကို သဘောကျရင်
လုပ်ပေးခဲ့နော်။

No comments:

Related Posts

Related Posts Plugin for WordPress, Blogger...