အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Tuesday, March 8, 2016

မိုက်ခရိုဝေ့ဖ်ထဲ ကြက်ဥ ထည့်ပြုတ်၍ မျက်စိ ၂ လုံး ကွယ်ခဲ့ရ




တရုတ်နိုင်ငံသား တစ်ဦးဟာ မိုက်ခရိုဝေ့ဖ် (အစာနွှေးစက်) ထဲမှာ ကြက်ဥပြုတ်မိတဲ့ အတွက် ပေါက်ကွဲမှု ဖြစ်ပွားပြီး မျက်စိ ၂ ဘက်လုံး ကွယ်သွား ခဲ့ရတယ်လို့ www.siamupdate.com သတင်းမှာ ဖော်ပြ ပါတယ်။

တရုတ်နိုင်ငံက အသက် ၃၀ ရွယ် ဖခင်တဦးဟာ သားဖြစ်သူ ကျောင်းမသွားခင် စားဖို့ ကြက်ဥ ကို ရေဇလုံထဲ ထည့်ပြီး မိုက်ခရိုဝေ့ဖ်ထဲ ထည့်ထား ခဲ့ပါတယ်။

၂ မိနစ်လောက် အကြာ မိုက်ခရိုဝေ့ဖ်ထဲမှာ ကျယ်လောင်တဲ့ အသံကြား လိုက်ရပြီး သူက မိုက်ခရိုဝေ့ဖ် အဖုံးကို ဖွင့်လိုက်တဲ့ အခါမှာ ပေါက်ကွဲစတွေ မီးဖိုချောင် တခုလုံး ပြန့်ကျဲအောင် လွှင့်စင်လာပြီး သူ့မျက်စိ ၂ ဘက်လည်း ပေါက်ကွဲ စကြောင့် မီးစနဲ့ အထိုးခံရသလို ပူလောင် နေတယ်လို့ ပြောပါတယ်။

ဆေးရုံရောက်တဲ့ အခါ ဆရာဝန်က သူ့မျက်ခွံရော မျက်လုံးရော ၂ ဘက်လုံး ပြင်းထန်စွာ ဒဏ်ရာရတဲ့ အတွက် ကွယ်သွား ပြီလို့ ပြောပါတယ်။

ဒီလိုဖြစ်ရတဲ့ အကြောင်းကတော့ ကြက်ဥကို ရိုးရိုး မီးဖိုနဲ့ ပြုတ်တဲ့ အခါမှာ အပူချိန်တွေဟာ ပြင်ပကနေ အတွင်းသို့ စီးဝင်ပြီး မိုက်ခရိုဝေ့ဖ်နဲ့ ပြုတ်ရင်တော့ အဲဒါနဲ့ ဆန့်ကျင်ဘက် အပူချိန်တွေက အတွင်းပိုင်း ကနေ အပြင်ကို စီးထွက်တယ်လို့ ဆရာဝန်က ပြောပါတယ်။

မိုက်ခရိုဝေ.ဖ်ထဲက ကြက်ဥဟာ အတွင်းဘက်မှာ အပူရှိန်တွေ ပြင်းထန် လာပြီး သိပ်သည်းတဲ့ ကြက်ဥခွံကို ဖောက်ထွင်းဖို့ကြိုးစားတဲ့ အတွက် ကြက်ဥခွံ တုန်ခါလာကြောင်း၊ ဇလုံထဲမှာ ရှိတဲ့ ရေအပူ ချိန်လည်း မြင့်လာပြီး အငွေ့ပျံ သွားတဲ့ အတွက် ကြက်ဥရဲ့ အပူကို ထိန်းညှိပေးနိုင်စွမ်း မရှိတော့ဘဲ ပြင်းထန်တဲ့ ပေါက်ကွဲမှု ဖြစ်ပွားရတာလို့ ဆိုပါတယ်။

ဒါကြောင့် မိုက်ခရိုဝေ့ဖ်နဲ့ ကြက်ဥပြုတ်မယ် ဆိုရင် ကြက်ဥကို ဇလုံထဲ ခေါက်ထည့်ပြီး အနှစ်ကို လည်း အပေါက်ဖောက် ပေးသင့်ကြောင်း၊ ကြက်ဥ စွပ်ပြုတ်၊ ဒါမှမဟုတ် ပူတင်းဖုတ်မယ် ဆိုရင်လည်း ကြက်ဥကို အပ်သွား ဒါမှ မဟုတ် သွားကြားထိုးတံနဲ့ အပေါက်ဖောက် ပြီးမှ ပြုတ်ကာ အဖုံးကို လုံအောင် ဖုံးသင့်ကြောင်း ပြောသွား ပါတယ်။

by ဒီဗွီဘီ

Originally published at - http://burmese.dvb.no/archives/138638


1 comment:

  1. ကြိုက်နှစ်သက်မိပါတယ်

    ReplyDelete

Related Posts

Related Posts Plugin for WordPress, Blogger...