မိုးကြိုးပစ်ခံရသည့် မိန်းကလေးကို မြေကြီးတွင် မြှုပ်နှံကုသ

ကိုလံဘီယာ နိုင်ငံမှာ မိုးကြိုးပစ် ခံခဲ့ရတဲ့ အသက် ၁၈ နှစ် အရွယ် မိန်းကလေး တဦးကို မိဘ ဆွေမျိုး သားချင်း တွေက ရိုးရာ ယုံကြည်မှု အရ မြေကြီး ထဲမှာ အရှင် လတ်လတ် မြှုပ်နှံပြီး ကုသ ခဲ့ကြ ပါတယ်။

အန်နာ ဘောလက်စ်တာရော့စ် အမည် ရတဲ့ အဲဒီ မိန်းကလေးဟာ မကြာသေး ခင်ကမှ ကောလိပ်ကို အသွား လမ်းမှာ မိုးကြိုးပစ် ခံခဲ့ရတာလို့ မေရာ သတင်းမှာ စက်တင်ဘာ ၂၄ ရက်နေ့က ဖော်ပြ ပါတယ်။

သူ့ကို ဆေးရုံပို့ဆောင်ပြီး ဆေးကုသချိန်မှာ မသက်သာတဲ့အတွက် ခုလိုကုသဖို့ ဆုံးဖြတ်ခဲ့ကြတာပါ။

ဒီကုသမှုမှာ အန်နာဟာ တကိုယ်လုံးကို တွင်းထဲမှာ လည်ပင်းထိ မြေကြီးတွေနဲ့ ဖုံးထားကာ တပါတ်ကို ၃ ရက်၊ တရက်ကို ၄ နာရီလောက်နေထိုင်ရမယ်လို့ ဆိုပါတယ်။

သူ့ရဲ့ ဆွေမျိုးတွေကတော့ မိုးကြိုးပစ်ခံခဲ့ရရာကနေ ကျန်နေတဲ့ စွမ်းအင်တွေကို သူဆီက ထုတ်နိုင်လိမ့်မယ်လို့ ယုံကြည်နေကြတာပါ။

အန်နာကတော့ “ဆေးရုံက ဆရာဝန်တွေ ဆေးဝါးတွေကိုပဲ သိတာပါ။ ခုလို မိုး ကြိုးပစ်ခံရတာမျိုးကိုတော့ မသိကြပါဘူး။

ခုလိုမြေကြီးတွင်းထဲမှာ နေထိုင်ကုသတာက ရှေးတည်းက အသုံးပြုကြတာမို့ ကျမ မကြာခင်မှာ ပြန်ကောင်းလာမယ်လို့ ယုံကြည်ပါ တယ်”လို့ ပြောပါတယ်။

သူဟာ မိုးကြိုးပစ်ခံခဲ့ရတဲ့အတွက် လမ်းကောင်းကောင်းမလျှောက်နိုင်ခဲ့ဘဲ နောက် ကျောဘက်ကလည်း နာကျင်မှုတွေခံစားနေခဲ့ရတာပါ။
အန်နာရဲ့ မိခင်ဖြစ်သူ မီလန်နာကတော့ “ဒေသခံတွေက ခုလို မြေမြှုပ်ကုသမှု လုပ်မယ့်အစား ဆေးရုံကိုပို့ပြီး ကုသမှုလုပ်ဖို့ ပြောကြပါတယ်”လို့ ပြောပါတယ်။

ခုလို အိမ်တွင်းကုသမှုတွေလုပ်တဲ့အပေါ် ဒေသတွင်း ဆေးပညာရှင်တွေကတော့ ဝေဖန်နေကြတာပါ။

“ဒါဟာ သိပ္ပံနည်းကျလည်းမဟုတ်ဘူး။ မိုးကြိုးပစ်ခံရတဲ့ လူနာကို မြေကြီးထဲမှာ မြှုပ်နှံပြီး ကုသပေးတာကနေ အကျိုးကျေးဇူးရတယ်ဆိုတာကိုလည်း သက်သေမပြနိုင်ပါဘူး။ ဒေသတွင်းမှာ ရှေးရိုးဒဏ္ဍာရီဆန်ဆန်ယုံကြည်မှုတွေဟာ ခုချိန်ထိရှိနေတုန်းပါပဲ” လို့ မွန်ထရီယာမြို့တော် ဆေးခန်းတခုမှ ဝေါ်လ်တာ ဂိုမက်ဇ်က ပြောပါတယ်။



From: ဒီဗွီဘီ

Originally published at - http://burmese.dvb.no/archives/169909