ပုံပျက်ပန်းပျက်ဦးခေါင်းပါ လူသား ဂီတရုပ်သံ ရေပန်းစား

ယူဂန္ဒာ နိုင်ငံမှ ပုံပျက် ပန်းပျက် ဦးခေါင်းပါ အမျိုးသား တဦးဟာ နိုင်ငံရဲ့ အထူး ဆန်းဆုံး အမျိုးသား တဦး အဖြစ် ရွေးချယ် ခံခဲ့ရပြီး နောက်မှာ ကျော်ကြားသူ
ပေါ့ပ်စတား တဦး ဖြစ်လာ ခဲ့တယ်လို့ မေရာ သတင်း တပုဒ်မှာ ဖော်ပြ ပါတယ်။

အသက် ၄၇ နှစ်အရွယ် ဂေါ့ဒ်ဖရေး ဘာဂူမာဟာ လက်ရှိမှာတော့ ဒေသတွင်း နာမည်ကျော်တဦးဖြစ်နေခဲ့ပြီး သူပါဝင်သီဆိုတဲ့ ရုပ်သံဗွီဒီယိုဖိုင်ဟာ ယူကျုဘ်အင်တာ နက်စာမျက်နှာပေါ်မှာ ၀င်ရောက်ကြည့်ရှုမှု ၃ သန်းထိ ရှိနေခဲ့တာပါ။

ပုံပျက်ပန်းပျက်ဖြစ်နေခဲ့တဲ့ သူ့ရဲ့ ဦးခေါင်းဟာ အရင်ကတကြိမ်တခါမှ ကျန်းမာ ရေးစစ်ဆေးမှုမလုပ်ခဲ့ရသေးပဲ သူ့မှာ ကလေး ၈ ယောက်ရှိနေတဲ့အတွက် ကြောက်ရွံ့ ထိတ်လန့်နေခဲ့တယ်လို့ ဆိုပါတယ်။

ဂေါ့တ်ဖရေးက “အခု ကျနော် စိုးရိမ်ထိတ်လန့်နေမိတယ်။ ကျနော့်ရဲ့ သမီးလေး ဟာလည်း ကျနော့်လိုပဲ ဖြစ်လာမှာ။ သူ့ရဲ့ ခေါင်းကို ကြည့်လိုက်ရင် ကျနော့်လို ဖြစ်လာ ဦးမှာ။ ကျနော့်ရဲ့ ကလေးတွေဟာ ငယ်လွန်းကြသေးတဲ့အတွက် ကျနော်သာ သေသွားခဲ့ ရင် ဘာတွေ ဆက်ဖြစ်မလဲဆိုတာကို ကျနော်တွေးပြီး စိတ်ပူနေမိတယ်”လို့ ပြောပါတယ်။

အမ်ဘရာရာဆေးရုံမှ ဆေးရုံအုပ်ကြီး ဒေါက်တာ တိုနီ ၀ီလ်ဆင်က သူ့ရဲ့ ကျန်းမာ ရေးအခြေအနေဟာ ကျနေတယ်လို့ ဆိုပါတယ်။

“သူ့ရဲ့ ခေါင်းထဲမှာ သာမာန်မဟုတ်တဲ့ အခြေအနေတခုဖြစ်နေတယ်။ ဦးနှောက် ရဲ့ အစိတ်အပိုင်းတော်တော်များများဟာလည်း ဖိအားတွေရှိနေတယ်။ သူ့ကိုယ်နေဟန် ချက်ဟာလည်း ရင်ဘတ်ပေါ်တည်မှီနေရတဲ့အတွက် အသက်ရှုရခက်နေတယ်။”

လူ့ခန္ဓာကိုယ်တွင်း ပုံရိပ်ဖမ်းစက်(အမ်အာရ်အိုင်)နဲ့ ကျန်းမာရေး စစ်ဆေးမှုလုပ်အ ပြီး သီတင်း ၆ ပါတ်အကြာမှာ ခုလိုပြောလိုက်တာပါ။

သူခံစားနေရတဲ့ ရောဂါဟာ ဖိုင်ဘရို ဒိုင်ဆပလာစီယာလို့ခေါ်ပြီး ဒီရောဂါကြောင့် ဆဲလ်တွေနဲ့ တစ်ရှုးတွေဟာ ကြီးထွားမှုအပေါ် အကျိုးသက်ရောက်စေတာပါ။

ခက်ခဲတဲ့ ဘ၀နဲ့စခဲ့ရတဲ့ ဂေါ့ဒ်ဖရေးက “ကျနော့်ကို မွေးလာချိန်မှာ အမေက ကျ နော့်ကို ကြည့်ပြီး သာမန်ကလေးတယောက်မဟုတ်ဘူးဆိုပြီး စွန့်ပစ်ခဲ့တယ်။ ကျနော့်ကို ပြုစုစောင့်ရှောက်ခဲ့တဲ့ အဖွားကိုပဲ ကျေးဇူးတင်ရမှာပါ။ ကျနော် လူတွေနဲ့ ရောထွေးပတ် သက်ရမှာကို ကြောက်ခဲ့တယ်။ ကျနော့်ရဲ့ ထူးဆန်းတဲ့ သွင်ပြင်ကြောင့် လူတွေဟာ ကျနော့်ကို လူမဟုတ်ဘူးလို့ ပြောကြတယ်။ ဒါပေမယ့် ခုတော့ ကျနော်ဟာလည်း လူထဲ ကလူဆိုတာ လက်ခံလိုက်ပါပြီ”လို့ ပြောပါတယ်။

ဂေါ့ဒ်ဖရေးဟာ ဖိနပ်တိုက်တဲ့ အလုပ်နဲ့ အသက်မွေးဝမ်းကျောင်းခဲ့ရပြီး တနေ့မှာတော့ လူတယောက်က ရောက်လာခဲ့ပြီး သူ့ကို ဖျော်ဖြေရေးလုပ်ငန်းတခုမှာ အလုပ်လုပ်ဖို့ ကမ်းလှမ်းခဲ့တာပါ။

“ခုတော့ ကျနော့်မှာ မိတ်ဆွေတွေလည်း ရှိနေပြီ။ သူတို့တွေ ကျနော့်ကို ခေါ်ပြော ကြတယ်။ ဖျော်ဖြေရေးတွေမှာ ပါဝင်နိုင်ဖို့ ခေါ်ကြတယ်။ ပိုက်ဆံတွေ ပေးတယ်။ ဒါက ကျ နော့် ကလေးတွေကို ပြုစုစောင့်ရှောက်ဖို့ အကူအညီပေးပါတယ်။”

ဂေါ့ဒ်ဖရေးဟာ ပထမအိမ်ထောင်နဲ့ ကလေး ၂ ဦးရရှိခဲ့ပြီးနောက်မှာ ကံမကောင်းစွာပဲ လမ်းခွဲခဲ့ရတာပါ။

လွန်ခဲ့တဲ့ ၈ နှစ်လောက်ကတော့ သူဟာ အချစ်စစ်နဲ့ တွေ့ခဲ့ပြီး ဇနီးဖြစ်သူဖြစ်လာမယ့် နာမန်ဒီ ကိတ်နဲ့ လက်ထပ်ခဲ့ကာ ကလေး ၆ ဦးထပ်မံမွေးဖွားခဲ့ပါတယ်။

နာမန်ဒီက “ဂေါ့ဒ်ဖရေးဟာ အပြင်မှာ မချောပါဘူး။ ဒါပေမယ့် သူ့မှာ စိတ်ကောင်း နှလုံးကောင်းရှိတယ်လေ။ အဲဒါကို ကျမမြင်သလို လူတွေကို မြင်စေချင်တာပါပဲ”လို့ ပြောပါတယ်။

ဂေါ့ဒ်ဖရေးရဲ့ အကြောင်းကို Body Bizarre အမည်နဲ့ TLC ရုပ်သံချန်နယ်ကနေ ဒီကနေ့ည ၁၀ နာရီမှာ ထုတ်လွှင့်တော့မှာပါ။


From : DVB

Originally published at - http://burmese.dvb.no/archives/173647