အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Friday, October 9, 2015

ငြိမ်းချမ်းရေးနိုဘယ်လ်ဆု တူနီရှား အမျိုးသား နိုင်ငံရေး အကျိုးဆောင်အဖွဲ့ ရရှိ




၂၀၁၅ ခုနှစ် အတွက် ငြိမ်းချမ်းရေး နိုဘယ်လ်ဆုကို တူနီးရှား နိုင်ငံက အမျိုးသား နိုင်ငံရေး အကျိုးဆောင် အဖွဲ့ (Tunisia National Dialogue Quartet) ကို ချီးမြှင့် လိုက်တယ်လို့ နော်ဝေနိုင်ငံ အခြေစိုက် ဆုရွေးချယ်ရေး ကော်မတီက ဒီကနေ့ ကြေညာ လိုက်ပါတယ်။

၂၀၁၁ ခုနှစ် စပယ်တော်လှန်ရေး (Jasmine Revolution) ဖြစ်ပွားချိန် တူနီးရှားနိုင်ငံမှာ ပါတီစုံနိုင်ငံရေး စနစ် ဖြစ်ထွန်းရေး အတွက် အားထုတ် ကြိုးပမ်း ခဲ့တာကြောင့် ဒီဆုကို ချီးမြှင့်တာလို့  ဆုရွေးချယ်ရေး အဖွဲ့ကဆိုပါတယ်။

၂၀၁၃ ခုနှစ်မှာ တူနီးရှားနိုင်ငံဟာ ပြည်တွင်းစစ်ဖြစ်လုဆဲဆဲ အခြေအနေ ရောက်ခဲ့ပေမယ့် ဒီအဖွဲ့က ငြိမ်းချမ်းရေးလုပ်ငန်းစဉ်အသစ်တခုကို ဖော်ဆောင်ပေးခဲ့ပြီး ပြည်သူလူထုအတွက် အခြေခံလူ့  အခွင့်အရေးများ ရရှိနေအောင် ဆောင်ရွက်ပေးခဲ့တယ်လို့လည်း ဆုရွေးချယ်ရေးအဖွဲ့  က ပြောပါတယ်။

ဆုရတဲ့ တူနီးရှားအမျိုးသားနိုင်ငံရေး အကျိုးဆောင်အဖွဲ့မှာ တူနီးရှား အထွေထွေ အလုပ်သမားသမဂ္ဂ၊ ရှေ့နေသမဂ္ဂ၊ စက်မှု ကူးသန်းရောင်းဝယ်ရေးနဲ့ လက်မှုပညာသည်များ သမဂ္ဂနဲ့၊ တူနီးရှားလူ့အခွင့်အရေး ကာကွယ်ရေးအဖွဲ့ချုပ်ဆိုပြီး အဖွဲ့ ၄ ဖွဲ့ပါဝင်ပါတယ်။

ငြိမ်းချမ်းရေးနိုဘယ်လ်ဆုကို ၁၉၀၁ ခုနှစ်က စတင်ချီးမြှင့်ခဲ့ပြီး ပထမဆုံး ရရှိသူက နိုင်ငံတကာ ကြက်ခြေနီကော်မတီကို တည်ထောင်သူ ဟင်နရီဒူးနန့် ဖြစ်ပါတယ်။

ပြီးခဲ့တဲ့ ၂၀၁၄ ခုနှစ်ကတော့ အိန္ဒိယက ကလေးအခွင့်အရေးလှုပ်ရှားသူ ဆတ်တယာသီ နဲ့ ပါကစ္စတန်က အမျိုးသမီးများ ပညာသင်ကြားခွင့် လှုပ်ရှားသူ မာလာလာ တို့ကို ပူးတွဲချီးမြှင့်ခဲ့ ပါတယ်။

မြန်မာနိုင်ငံက နိုင်ငံရေးခေါင်းဆောင် ဒေါ်အောင်ဆန်းစုကြည်ကိုလည်း ၁၉၉၁ ခုနှစ်က ချီးမြှင့်ခဲ့ပါတယ်။

ငြိမ်းချမ်းရေးနိုဘယ်လ်ဆု ရရှိသူဟာ ဆုကြေးငွေအဖြစ် အမေရိကန်ဒေါ်လာ ၁ သန်းကျော် ကို ရရှိမှာ ဖြစ်ပါတယ်။

အခုနှစ် ငြိမ်းချမ်းရေးနိုဘယ်လ်ဆုအတွက် ပဏာမ အမည်စာရင်းထဲမှာ ပုပ်ရဟန်းမင်းကြီး ဖရန်ဆစ်၊ ဂျာမနီဝန်ကြီးချုပ် အန်ဂလာမာဂဲလ်၊ အမေရိကန် နိုင်ငံခြားရေးဝန်ကြီး ဂျွန်ကယ်ရီနဲ့ အက်ဒ၀ပ်စနိုဒင်တို့ အပါအ၀င် လူပုဂ္ဂိုလ် ၂၀၅ ဦးနဲ့ အဖွဲ့အစည်း ၆၈ ဖွဲ့ ရှိပါတယ်။

DVB by ဒီဗွီဘီ

Original link - http://burmese.dvb.no/archives/115701


No comments:

Related Posts

Related Posts Plugin for WordPress, Blogger...