တောင်ကိုရီးယား နိုင်ငံတွင် အိမ်မွေး တိရိစ္ဆာန်များကို ခွဲစိပ်ပြုပြင်မှု ပိုမို ပြုလုပ်လာကြ

တောင်ကိုရီးယား နိုင်ငံဟာ ခွဲစိပ်ပြုပြင် ဖန်တီးခြင်းကို အလွန် ၀ါသနာ ပါတဲ့နိုင်ငံ တခုလို့ ဆိုရပါမယ်။ တောင်ကိုရီးယားရှိ လူများသာမက အခုဆို တိရိစ္ဆာန်များ ကိုပါ ခွဲစိပ်ပြုပြင် လာကြ ပြန်ပါပြီ။

အခုဆိုရင် အိမ်မွေး အလှခွေး ကလေးများကို ပလပ်စတစ် ဆာဂျရီ ပြုလုပ်ခြင်းဟာ တောင်ကိုရီးယားနိုင်ငံရဲ့ ရေစီးကြောင်း အသစ်တခုလို ဒီနှစ်ထဲမှာ ကျယ်ကျယ် ပြန့်ပြန့် ဖြစ်လို့ လာပါတယ်။ တပြိုင်နက်ထဲမှာပဲ ဒီလို ပြုလုပ် လာကြခြင်း အပေါ် တိရိစ္ဆာန် ချစ်သူများရဲ့ ဝေဖန်ပြောဆိုခြင်းတွေ ဟာလည်း ပေါ်ပေါက် လာပါတယ်။



တိရိစ္ဆာန်လေးတွေကို ဖြီးလိမ်းပြင်ဆင်ပေးခြင်းဟာ တောင်ကိုရီးယားနိုင်ငံမှာ ကျယ်ပြန့်စွာ ခေတ်စားလာခဲ့ ပြီး အငြင်းပွားဖွယ်ရာ ခွဲစိပ်ပြုပြင်မှုများကို သူတို့ရဲ့ အိမ်မွေးတိရိစ္ဆာန်လေးများအပေါ် ပြုလုပ်လာကြတဲ့ ပိုင် ရှင်ဦးရေဟာလည်း ပိုမိုများပြားလို့နေတာပါ။

ခွဲစိပ်ပြုပြင် ကုန်ကျစရိတ်အနေနဲ့ အမေရိကန်ဒေါ်လာ ၆၀ မှ ၁၀၀ ၀န်းကျင်ရှိပါတယ်။ သို့ပေမယ့် တောင်ကိုရီးယားနိုင်ငံမှ တိရိစ္ဆာန်ချစ်သူများက အခုလို တိရိစ္ဆာန်လေးများအား ခွဲစိပ်ပြုပြင်ခြင်း ရေစီး ကြောင်းအသစ်အပေါ် အပြင်းအထန်ကန့်ကွက်ခဲ့ကြပြီး ဒါဟာ ညင်းပန်းနှိပ်စက်ခြင်းတခုဖြစ်တယ်လို့ ဆိုကြပါတယ်။



“တိရိစ္ဆာန်လေးတွေကို ခွဲစိပ်ဖို့ ဆုံးဖြတ်ထားကြတဲ့ ပိုင်ရှင်တွေဟာ ကလေးငယ်တဦးကို ပလပ်စတစ်ဆာဂျရီ လုပ်ဖို့ အတင်းအဓမ္မစေခိုင်းနေတဲ့ မိဘနဲ့တူပါတယ်” လို့ ဒီလိုခွဲစိပ်မှုအပေါ် ကန့်ကွက်သူတဦးက ဆိုရှယ်မီဒီယာ တခုမှာ ရေးသားထားပါတယ်။

အခုလို အိမ်မွေးတိရိစ္ဆာန်များကို ပလပ်စတစ်ဆာဂျရီပြုလုပ်ပေးခြင်းဟာ ယခင်က ဆေးပညာလောကမှာ စိတ်တောင်မကူးခဲ့ဘူးတဲ့ အရာတခုဖြစ်ခဲ့ပေမယ့် မကြာခင်မှာပဲ ဒီလို ခွဲစိပ်ပြုပြင်ခြင်းတွေဟာ သူတိုရဲ့ တိ ရိစ္ဆာန်လေးတွေကို ပိုမို ဆွဲဆောင်မှုရှိစေနိုင်တယ်ဆိုတာ ရှာဖွေတွေ့ရှိလာကြတဲ့အခါမှာ ပြုလုပ်လာ ကြခြင်း ဖြစ်တယ်လို့ ရှင်းပြခဲ့ပါတယ်။

Ref: CCTV news

The Irrawaddy's Blog by thae thae

Original link - http://blog.irrawaddy.org/2015/10/blog-post_8.html