ဗြိတိန်နိုင်ငံ ရဲ့ အကြီးမားဆုံး ခရစ္စမတ် သစ်ပင်

ဗြိတိန်နိုင်ငံ ရဲ့ အကြီးမားဆုံး သစ်ပင်ကြီးမှာ မီးသီးပေါင်း ၁၈၀၀ ကျော်ကို ချိတ်ဆွဲပြီး ကမ္ဘာ့အကြီးဆုံး ခရစ်စမတ် သစ်ပင်တစ်ခု ဖြစ်လာစေခဲ့ပါတယ်။ ထိုသစ်ပင်ဟာ ဗြိတိန် နိုင်ငံ ၊ Crawley မြို့ရဲ့ Gatwick လေဆိပ် နားမှာ ရှိပြီး လေယာဉ်တွေ ဆင်းသက်တဲ့အခါမှာ လေယာဉ်ပြေးလမ်း အချက်ပြမီး အဖြစ် ရေရှည်မှာ အသုံးပြုသွားမယ်လို့လည်း သိရပါတယ်။

ထို သစ်ပင်ရဲ့ အမြင့်ဟာ ပေ ၁၁၀ ခန့်မြင့်မားပြီး West Sussex ခရိုင် ၊ Ardingly ကျေးရွာအနီးက သစ်တောအတွင်း တည်ရှိပြီး ဗြိတိန်နိုင်ငံ ရဲ့ သက်ရှိထင်ရှား အကြီးမားဆုံး သစ်ပင်ဖြစ်လာခဲ့ပါတယ်။



လွန်ခဲ့တဲ့ ၂၃ နှစ်တုန်းကတော့ ထိုသစ်ပင်ဟာ Wakehurst ရဲ့ Elizabethan ခြံဝန်း အပြင်မှာ အလှဆင်လျက်ရှိနေခဲ့တာပါ။ ထို သစ်ပင်ကို ၁၈၉၀ ခုနှစ်မှာ စတင်စိုက်ပျိုးခဲ့ပြီး ဧက ၅၀၀ ကျယ်ဝန်းတဲ့ ဒေသတစ်ခုလုံးမှာ အထူးခြားဆုံး ၊ အဆန်းကြယ်ဆုံး သစ်ပင်တစ်ပင်လည်း ဖြစ်ခဲ့ပါတယ်။ သစ်တော ကျွမ်းကျင် ပညာရှင် အဖွဲ့ဟာ ထို သစ်ပင်မှာ LED မီးသီး တွေကို ချိတ်ဆွဲဖို့နဲ့ Wakehurst ဆိုတဲ့ ဘေးမဲ့တော ထဲမှာရှိတဲ့ သစ်ပင် ကို ပြန်လည်တိုင်းတာဖို့အတွက် အချိန်များစွာ ယူခဲ့ရတယ်လို့ လည်း သိရပါတယ်။

Wakehurst ရဲ့ ဒါရိုက်တာ တစ်ယောက်ဖြစ်တဲ့ Tony Sweeney က တော့"ဒီသစ်ပင်ဟာ ခန့်မှန်းခြေအားဖြင့် နှစ်ပေါင်း ၁၂၀ လောက် သက်တမ်းရှိနေပါပြီ။ကျွနိုပ်တို့ဟာ တစ်ပေ လောက်ထပ်မြင့်လာဦးမယ်လို့ မျှော်လင့်ထားပါတယ်။ ဒီသစ်ပင်ဟာ ထူးခြားတဲ့ မျိုးစိတ်တွေရှိနေတဲ့အတွက် လာမယ့်နှစ်တွေအတွင်းမှာ အံ့သြဖွယ်ရာ ရှင်သန်လာဦးမှာပါ" လို့ ဆိုပါတယ်။

ဒီသစ်ပင်ဟာ Wakehurst သစ်တောအတွင်း ရာသီဥတု ဒဏ်တွေအားလုံးကို ကြံ့ကြံ့ခံပြီး ရှင်သန်ခဲ့တာဖြစ်ပါတယ်။ ၁၉၈၇ ခုနှဏ်က ဗြိတိန်ရဲ့ အထင်ကရ မုန်တိုင်းတိုက်ခတ်မှု က စတင်ပြီး သဘာဝ အန္တရာယ် အမျိုးမျိုး ကို ကျော်ဖြတ်နိုင်ခဲ့ပါတယ်။ထိုသစ်ပင်မှာ ချိတ်ဆွဲထားတဲ့မီးသီးတွေဟာ ဒီဇင်ဘာ ၄ ရက်နေ့က စတင်ပြီး ခရစ္စမတ် ကာလအထိ နေ့လည် ၃ နာရီခွဲက စတင်ကာ တစ်ညလုံး ထိန်လင်းတောက်ပနေမှာ ဖြစ်ပါတယ်။

နောက်ပိုင်းမှာတော့ ထိုသစ်ပင်ကို လေယာဉ်ပြေးလမ်း အချက်ပြ စနစ် တစ်ခုအဖြစ် အသုံးပြုသွားမှာ ဖြစ်တယ်လို့လည်း သိရပါတယ်။

Ref : Mirror

Original link - http://knowledge.thithtoolwin.com/2015/11/blog-post_41.html

ဒီပို့စ်လေးကို သဘောကျရင်

လုပ်ပေးခဲ့နော်။