ဒုတိယကမ္ဘာစစ် အတွင်းက ကွဲသွားသည့် ချစ်သူနှစ်ဦး သြစတြေးလျတွင် ပြန်လည် ပေါင်းစည်း

ဆစ်ဒနီ၊ ဖေဖော်ဝါရီ - ၁၁

ရေစက် မကုန်သေးတော့ သံသရာ တစ်ကွေ့မှာ ပြန်လည် ဆုံတွေ့ကြတဲ့ ဆွတ်ပျံ့ဖွယ် ဇာတ်လမ်းလေး တစ်ပုဒ်ပါပဲ။

နှစ်ပေါင်း ၇၀ ကျော်ကြာ ကွဲကွာသွားခဲ့ ပြီးနောက်မှာ အမေရိကန် ပြည်ထောင်စုက ၉၃နှစ် အရွယ် ဒုတိယ ကမ္ဘာစစ် စစ်ပြန်ကြီးဟာ ဗုဒ္ဓဟူးနေ့က စစ်အတွင်း တုန်းက ရည်းစားနဲ့ သြစတြေးလျမှာ ပြန်လည် ဆုံတွေ့ ပွေ့ဖက်နိုင် ခဲ့ကြပါတယ်။

ကာလရှည်ကြာ ပျောက်ဆုံးနေ ခဲ့တဲ့ ချစ်သူနဲ့ ပြန်လည် ဆက်သွယ်နိုင်ဖို့ ဗာဂျီးနီးယား ကနေ သြစတြေးလျ တောင်ပိုင်း မြို့ကလေးဖြစ်တဲ့ အဒဲလဒီကို အရေးတကြီး ပျံသန်း ရောက်ရှိ လာပြီးနောက် မှာ နောဝု သောမတ်စ်ဟာ ၈၈နှစ် အရွယ် ဂျွိုက် မောရစ်နဲ့ လက်ချင်းချိတ် ရယ်မောနိုင် ခဲ့ကြပြီပဲ ဖြစ်ပါတယ်။

‘ဖြစ်တောင့်ဖြစ်ခဲ အံ့သြစရာ အကောင်းဆုံး အရာတစ်ခု ဖြစ်လာ ခဲ့တာပါပဲ’လို့ သောမတ်စ်က ပြန်လည် ပေါင်းစည်းမှုကို ထုတ်လွှင့် တင်ဆက်နေတဲ့ ချဲနယ် ၁၀ ရဲ့ The Project အစီအစဉ်မှာ ပြောကြား ခဲ့ပါတယ်။



‘ကောင်းတာပေါ့။ ကျမတို့ အံ့သြစရာ ရက်သတ္တ နှစ်ပတ်ကို အတူတူ ကုန်ဆုံးကြမယ်’ လို့ မောရစ်က အရယ် တစ်ဝက်နဲ့ ပြောပါတယ်။

ဒီဒေး မတိုင်ခင်လေး လန်ဒန်မှာ သူတို့တွေ့ကြတော့ မောရစ်က ၁၇နှစ် အရွယ် လှသွေးကြွယ် နေတဲ့ ဗြိတိသျှ သမီးပျိုကလေး ဖြစ်ပြီး၊ သောမတ်ကတော့ လူချော လူလှ ၂၁နှစ်သား လေထီးတပ်သား ကလေးပဲ ဖြစ်ပါတယ်။

စစ်ကြီးပြီးတော့ သောမတ်က အမေရိကန်ကို ပြန်လာလို့၊ နှစ်ယောက်သား ချစ်သ၀ဏ်လွှာတွေ အပြန်အလှန် ပါးခဲ့ကြကာ၊ သောမတ်က မောရစ်ကို အမေရိကန် လာပြီး သူ့ကို လက်ထပ်ဖို့ ခေါ် ခဲ့ပါတယ်။ ဒါပေမယ့်လည်း မောရစ်က သောမတ် တစ်ယောက် အသစ်တွေ့နေပြီလို့ ယူဆပြီး စာတွေ ဆက်ပြီး ရေးမပို့ တော့ပါဘူး။

နောက်တော့လည်း အသီးသီး အသက အိမ်ထောင်ရက်သားတွေ ကျကုန်ကြလို့ ၂၀၀၁ ခုနှစ်မှာ သောမတ်ရဲ့ ဇနီး သေဆုံးသွား ခဲ့သလို၊ မောရစ် တစ်ယောက်လည်း လက်ထပ်ပြီး နှစ်ပေါင်း ၃၀ အကြာမှာ ခင်ပွန်းသည်နဲ့ လမ်းခွဲ ခဲ့ပါတယ်။

မနှစ်ကတော့ မောရစ်က သူ့သား တစ်ယောက်ကို သောမတ်ကိုများ တွေ့လေမလားလို့ အွန်လိုင်းမှာ ရှာကြည့်ခိုင်းတဲ့ အခါ The Virginian-Pilot သတင်းစာ ထဲက D-Day အကြောင်း ရေးထားတဲ့ ဆောင်းပါး တစ်ပုဒ်မှာ သောမတ်ရဲ့ အမည် ပါလာတာကို တွေ့လိုက် ရပါတယ်။

အဲဒီနောက်တော့ သောမတ်နဲ့ မောရစ်တို့ဟာ Skype မှာ ပြန်လည် ဆက်သွယ် မိကြပါတယ်။

သူတို့ဇာတ်လမ်းက လူသိရှင်ကြား ဖြစ်သွားတဲ့ အခါမှာ ရာပေါင်း များစွာသော လူတွေက သောမတ် သြစတြေးလျ သွားနိုင်ရေး အတွက် ၀ိုင်းဝန်း လှူဒါန်းထောက်ပံ့ လာခဲ့ကြ ပါတယ်။

အခုတော့ သူတို့နှစ်ယောက်ဟာ ချစ်သူများနေ့ကို အတူတကွ နေထိုင် ဖြတ်သန်းဖို့ အသင့်ရှိ နေကြပါပြီ။

မဇ္ဈိမသတင်း by mizzima

Originally published at - http://mizzimaburmese.com/article/11053