အသည်းတခု၊ ခြေထောက် သုံးချောင်းနှင့် ဆီးအိမ်တခုသာ ပါသည့် အမြွှာကလေး ၂ ဦး ကို ခွဲစိတ်

အဲရစ်ကာ ဆန်ဒိုဗဲလ်နဲ့ အီဗာ ဆန်ဒိုဗဲလ် တို့ဟာ အသက် ၂ နှစ် အရွယ် ရှိနေကြပြီ ဖြစ်တဲ့ အမြွှာ ညီအစ်မ ၂ ဦးဖြစ်ပြီး မွေးရာပါ ကိုယ်ခန္ဓာချင်း ဆက်လျက်သား အခြေ အနေနဲ့ မွေးဖွား လာ ခဲ့ကြ တာပါ။

မွေး ကတည်းက အသည်းတခု၊ ခြေထောက် ၃ ချောင်းနဲ့ ဆီးအိမ် တခုတည်းသာ ပါ ရှိတာ ဖြစ်ပြီး ဒီကနေ့မှာတော့ သူတို့ကို အောင်မြင်စွာနဲ့ ခွဲစိတ်နိုင် ခဲ့ပြီလို့ မေရာ သတင်း တပုဒ်မှာ ဖော်ပြ ပါတယ်။

အမေရိကန်နိုင်ငံ၊ ကယ်လီဖိုးနီးယားပြည်နယ်၊ ပဲလိုအယ်လ်တိုမှ လူဆိုင်းလ် ပက်ကာ့ဒ်ကလေးဆေးရုံမှာ ဒီဇင်ဘာလ ၈ ရက်နေ့ညက ပြုလုပ်ခဲ့တဲ့ ဒီခွဲစိတ်မှုဟာ အချိန် ၁၇ နာရီကြာမြင့်ခဲ့တာပါ။



ခန္ဓာကိုယ်ချင်းဆက်မွေးဖွားလာမှုတွေကို ခွဲစိတ်ကုသမှုမျိုးဟာ အမေရိကန်နိုင်ငံမှာ တနှစ်ကို ၅ ကြိမ်လောက်ဖြစ်နေတာလို့ ဆိုပါတယ်။

လက်ရှိအချိန်မှာတော့ ကလေးငယ်တွေဟာ ကျန်းကျန်းမာမာပဲ ရှိနေကြတယ်လို့ သတင်းမှာ ဖော်ပြပါတယ်။

ဒါပေမယ့် ခုဖြစ်စဉ်ကတော့ အမြွှာကလေးငယ် ၂ ဦးရဲ့ ခန္ဓာကိုယ်အောက်ပိုင်း အင်္ဂါအစိတ်အပိုင်းတွေရဲ့ အများစုကို မျှဝေထားရတာမို့ ဒါဟာ အခက်ခဲဆုံးခွဲစိတ်မှုလို့ တောင် ဆိုနိုင်ပါတယ်။

ခွဲစိတ်ကုသမှုဆိုင်ရာ ဆေးပညာရှင်တွေပါဝင်တဲ့အဖွဲ့ဟာ တခုတည်းသော ဆီးအိမ်ကိုပါ ခွဲစိတ်ခဲ့ရပြီး အသည်းကိုလည်း တ၀က်စီခွဲစိတ်ကုသခဲ့ကြရကာ တတိယခြေထောက်ကိုတော့ သူတို့ရဲ့ ၀မ်းဗိုက်အတွင်းပိုင်း ကြွက်သားတွေဆီကရယူကာ ပြန်လည်တည်ဆောက်ယူရမှာ ဖြစ်တယ်လို့ ဆိုပါတယ်။

သူတို့ ညီအစ်မ ၂ ဦးဟာ ဆေးရုံအထူးကြပ်မတ်ကုသဆောင်မှာ အချိန် ၂ ပါတ် လောက်ထိ ဆက်လက်နေထိုင်ကြရဦးမှာဖြစ်ပြီး လိုအပ်တဲ့ ကုသမှုတွေ ဆက်လက်လုပ် ဆောင်နေတာပါ။

From : ဒီဗွီဘီ

Originally published at - http://burmese.dvb.no/archives/179172