အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Thursday, October 8, 2015

ခင်ပွန်းဖြစ်သူ ဖောက်ပြန်တာကို ဗီဒီယိုရိုက် အရှက်ခွဲတဲ့ ဇနီး ထောင် ၁ နှစ်ကျ




ဆော်ဒီ အာရေဗျနိုင်ငံက အမျိုးသမီး တစ်ယောက် ဟာ သူ့ရဲ့ ခင်ပွန်းသည်က အိမ်ဖော် နဲ့ ဖောက်ပြန်နေ တာကို ဗီဒီယို ရိုက်ပြီး Twitter ပေါ်တင် အရှက်ခွဲခဲ့တဲ့ အတွက် ထောင်ကျ သွားခဲ့ရ ပါတယ်။

အားလုံးကတော့ ထို ဇနီးသည် အနေနဲ့ သူမရဲ့ ခင်ပွန်းက အခြား အမျိုးသမီး တစ်ယောက်နဲ့ ချစ်ကြိုက်ကြည်နူး နေတာကို တွေ့သွားတဲ့ အခါမှာ ဒေါသ ထွက်ခွင့်ရှိတာပဲ လို့ ဖြည့်တွေး ပေးကြမှာပါ။

IB Times သတင်းဌာန ရဲ့ ဖော်ပြချက်အရတော့ ထို ဇနီးသည်ဟာ သူမ ရဲ့ ခင်ပွန်းသည် ဖောက်ပြန်နေတယ်ဆိုတာကို သံသယ ရှိနေခဲ့တာ ကြာပြီဖြစ်ပြီး သူမ ရဲ့ ခင်ပွန်း ဖောက်ပြန်နေတဲ့ အဖြစ်အပျက်တွေကိုလည်း သူမရဲ့ ဖုန်းနဲ့ ဗီဒီယို ရိုက်ကူး ထားခဲ့တာ ဖြစ်ပါတယ်။

အဲဒီနောက်မှာတော့သူမဟာ ထို ဗီဒီယို ကို လူမှု ကွန်ရက်ပေါ်တင်ပြီး "ဒီယောကျာင်္းအတွက် အနိမ့်ဆုံးပြစ်ဒဏ် ကတော့သူ့ကို သိက္ခာချဖို့ပါပဲ ဆိုတဲ့ ခေါင်းစဉ်ကို ရေးသား ထားပါတယ်။

ဒါပေမယ့်လည်း ဆော်ဒီ အာရေဗျ နိုင်ငံ မှာ ချမှတ်ထားတဲ့ ဥပဒေအရ လူတစ်ယောက်ကို နာမည်ပျက်စေရန် အတွက် ဗီဒီယို ရိုက်ကူး အသုံးပြုခြင်းကို တားမြစ်ထားပြီး ထို ဥပဒေကို ကျူးလွန်ရင်လည်း ပြင်းထန်စွာ အပြစ်ပေး ခံရမှာပါ။ အခုလို အိမ်ဖော်နဲ့ ခင်ပွန်းတွေနဲ့ ဖောက်ပြန်တယ် ဆိုတာဟာလည်း ကြီးမားတဲ့ ပြသနာ တစ်ခုဖြစ်နေပြီး ဒါကို တစ်နိုင်ငံလုံး ကိုယ်ကျင့် တရား မကောင်းမွန်ခြင်းရဲ့ လက္ခဏာ တစ်ရပ်ဖြစ်တယ်လို့ သတ်မှတ် ထားကြပါတယ်။

ဒါကြောင့် ခင်ပွန်းသည် ရဲ့ အိမ်ထောင်ရေး ဖောက်ပြန်မှု ကို အမိဖမ်းပြီး ဗီဒီယို ရိုက်ကာ လူမှုကွန်ရက်ပေါ်တင်ပြီး အရှက်ခွဲခဲ့တဲ့ ထို ဇနီးသည် အမျိုးသမီး ဟာ ဥပဒေအရ ထောင်ဒဏ် တစ်နှစ်ကျခံရမှာ ဖြစ်တယ်လို့ သိရပါတယ်။ သူမ ရိုက်ကူးထားတဲ့ ဗီဒီယိုကတော့ Twitter မှာ ၁၂ နာရီအတွင်း Mention ပေါင်း ၂၅၀၀၀ အထိ ရရှိခဲ့တယ်လို့ သိရပါတယ်။

( Mario )

သစ်ထူးလွင်(ဗဟုသုတနှင့်ထူးဆန်းထွေလာ)

Original link - http://knowledge.thithtoolwin.com/2015/10/blog-post_23.html


No comments:

Related Posts

Related Posts Plugin for WordPress, Blogger...