မျက်မမြင်အဖိုးအိုကို ၃၁ နှစ်တာလုံး စေတနာနဲ့ ပြုစုပေးခဲ့တဲ့ အသက် ၆၀ အမျိုးသမီးကြီး

“ခင်ရာဆွေမျိုး၊ မိန်ရာ ဟင်းကောင်း”ဆိုတဲ့ မြန်မာ စကားပုံ တခုလို သွေးတော် သားစပ်မှ ဆွေးမျိုး ဖြစ်ရတယ် မဟုတ်ပါဘူး။ သွေးမတော် သားမစပ် ဘဲနဲ့လည်း ရှေးရေစက် သံယောဇဉ် တွေကြောင့် မခွဲမခွာ အတူနေထိုင် ကြ ချစ်ခင်စုံမက် ကြရတယ်ဆိုတာ တရုတ်ပြည် Chongqing ကျေးလက် ဒေသရှိ ရွာလေး တရွာက မိသားစု မရှိဘဲ နေထိုင် နေရတဲ့ မျက်မမြင် အဘိုးအို တဦးရဲ့ အဖြစ်က သက်သေပြ နေပါတော့တယ်။



အဖြစ်က ဒီလိုပါ။ လွန်ခဲ့တဲ့ ၃၁ နှစ်ကတည်းက အသက် ၂၉ နှစ် အရွယ် တရွာတည်းနေ ဂျန်ဖန်မင်း ဆိုသူ အမျိုးသမီးနဲ့ သူ့ခင်ပွန်း တို့ဟာ အဆိုပါ မျက်မမြင် အဖိုးအိုကို ပြုစု စောင့်ရှောက်ဖို့ အတွက် သူတို့ရဲ့ မိသားစုထဲသို့ ခေါ်ဆောင် လာခဲ့ ပါတော့တယ်။



“ဖန်မင်းဟာ ကျနော့ သမီး အရင်း ထက်ကို ပိုကောင်း ပါတယ်။ သူ ကျနော့ကိုသာ မစောင့်ရှောက် ခဲ့ဘူး ဆိုရင် ကျနော် ဒီနေ့ ထက်ထိ အသက်ရှင် နေထိုင်နိုင်မှာ မဟုတ်ပါဘူး။ သူသာ ကျနော့ကို ပြုစု ခဲ့မယ် ဆိုရင် အသက် ၁၀၀ အထိ နေနိုင်မှာပါ” လို့ အဖိုးအိုက BTV သတင်းဌာနမှ သတင်းထောက်ကို ပြောပါတယ်။



အဆိုပါ လင်မယားနှစ်ဦးဟာ သူတို့ရဲ့ ကလေးငယ် သုံးဦးကိုလည်း ပြုစု ပျိုးထောင်ရင်း အဖိုးအိုကိုလည်း ကျွေးမွေး စောင့်ရှောက် ခဲ့ကြတာပါ။ ဇန် အမျိုးသမီးဟာ အဖိုးအိုအား လုအဖေလို့ စခေါ်ပြီ ဆိုကတည်းက သူတို့ရဲ့ သားသမီးတွေ ကလည်း အဖိုးလို့ လိုက်ခေါ်ကြပြီး မိသားစု တခုလို နွေးထွေးမှုကို ခံစား လာရကာ လုအဖိုးအို အတွက် စိုးရိမ်ကြောင့်ကြမှု တွေပါ ကွယ်ပျောက် ခဲ့ရတာပါ။



ကြင်နာသနားတတ်တဲ့ လင်မယားနှစ်ဦးဟာ လွန်ခဲ့တဲ့ ၃၁ နှစ်ကတည်းက အဖိုးအိုရဲ့ ဝေယျာဝစ္စ ကိစ္စမှန်သမျှ အပြင် အောက်ခြေသိမ်း အလုပ်မှန် သမျှကိုပါ မညဉ်းမညူ စတမ်း လုပ်ကိုင် လာခဲ့ပေးတာပါ။

အဆိုပါ လင်မယားနှစ်ဦးရဲ့ ဆင်းရဲနွမ်းပါးတဲ့ ငွေးကြေး၏ အခြေအနေကြောင့် ဇန်ဖန်မင်းရဲ့ အမျိုးသား ဖြစ်သူဟာ မြို့တက်ပြီး တနှစ်ပတ်လုံး အလုပ် သွားရောက် လုပ်ကိုင်နေ ရတာပါ။ ဒါ့ကြောင့် ဇန် အမျိုးသမီး ကသာ လုအဖိုးအိုကို ဒီနှစ်ပိုင်းတွေမှာ တောက်လျှောက် ပြုစု လုပ်ကိုင်ပေး ခဲ့ရပါတယ်။



“ကျမ အမျိုးသားနဲ့ အတူ ကျမ အလုပ် လုပ်ဖို့ စီစဉ်ခဲ့ ပါသေးတယ်။ ဒါပေမယ့် လုအဖေကို ထားခဲ့ရမယ် ဆိုရင် သူ့ကို ပြုစုပေးမ ယ့်သူ ရှိမှာ မဟုတ်ဘူး။ သူ့ကို တယောက်တည်း မထားခဲ့ရက် ပါဘူးရှင်” လို့ ဇန်အမျိုးသမိးက ဆိုပါတယ်။

“သူ့ဘ၀တလျှောက်လုံးကို ပြုစုကျွေးမွေးဖို့ ကျမတို့တွေ ကတိပေး ခဲ့ပါတယ်။ ဒီကတိကို အမြဲ ထိန်းသိမ်း ထားမှာပါ” လို့ ယခုဆိုရင် အသက် ၆၀ အရွယ် ရှိပြီဖြစ်တဲ့ ဇန်ဖန်မင်းက BTV သတင်းဌာနကို ပြောကြား ခဲ့ပါတယ်။

Ref: CCTVnews

The Irrawaddy's Blog by thae thae

Original link - http://blog.irrawaddy.org/2015/10/blog-post_67.html

ဒီပို့စ်လေးကို နှစ်သက်တယ်ဆိုရင်

လုပ်နိုင်ပါတယ်။