တရုတ်နိုင်ငံတွင် အသက်မပြည့်သေးသည့် ကလေး မင်္ဂလာပွဲ ကျင်းပ

တရုတ်နိုင်ငံတွင် အသက်မပြည့်သေးသည့် ကလေးမင်္ဂလာပွဲ ကျင်းပ (ဓာတ်ပုံ)
ဒီဗွီဘီ by ဒီဗွီဘီ

တရုတ်နိုင်ငံမှာ အသက် ၁၆ နှစ် အရွယ်သာ ရှိကြသေးတဲ့ မင်္ဂလာ ဇနီးမောင်နှံရဲ့ ဓာတ်ပုံတွေ အွန်လိုင်း အင်တာနက် စာမျက်နှာတွေပေါ် တင်ခဲ့ ချိန်မှာ နိုင်ငံသား တွေဟာ ရုတ်တရက် အံ့သြ ထိတ်လန့် ခဲ့ကြပါတယ်။

ဘာလို့လဲဆိုတော့ တရုတ်နိုင်ငံရဲ့ တည်ဆဲ ဥပဒေ အရ လက်ထပ်လို့ ရတဲ့ အသက် အပိုင်း အခြားဟာ အမျိုးသားကို ၂၂ နှစ်၊ အမျိုးသမီးကို ၂၀ နှစ်ပြည့်မှသာ လက်ထပ်နိုင် တယ်လို့ သတ်မှတ် ထားလို့ပါပဲ။


ခုလက်ထပ်လိုက်တဲ့ မင်္ဂလာမောင်နှံ ၂ ဦးလုံးဟာ ဂွမ်ရှီကျောင်း ကိုယ်ပိုင်အုပ်ချုပ်ခွင့်ရဒေသ၊ မာရှန်ခရိုင်တွင်းမှဖြစ်ပြီး ပြီးခဲ့တဲ့ သီတင်းပတ်ထဲမှာ မင်္ဂလာပွဲ ဆင်နွှဲခဲ့ကြတာဖြစ်တယ်လို့ စီစီတီဗွီသတင်းမှာ ဖော်ပြပါတယ်။

ဖေဖော်ဝါရီ ၂၂ ရက်နေ့မှာ အင်တာနက် စာမျက်နှာတွေပေါ် သူတို့မင်္ဂလာပွဲပုံတွေ ပျံ့နှံ့ခဲ့ပြီးနောက်မှာ နိုင်ငံသားတွေကြား မေးခွန်းထုတ်စရာ ဖြစ်လာခဲ့တာပါ။

တချို့ကလည်း သတို့သားဖြစ်သူဟာ အသက် ၁၃ နှစ်အရွယ်သာ ရှိသေးတယ်လို့ ဝေဖန်ခဲ့ကြချိန်မှာ သတို့သမီးဖြစ်သူ ၀ူက သူတို့ ၂ ဦးလုံးဟာ လွန်ခဲ့တဲ့ တနှစ်ကျော်တည်းက သိကျွမ်းခဲ့ကြပြီး သတို့သားရဲ့အသက်ဟာ ၁၆ နှစ်ဖြစ်တယ်လို့ နမ်ဂူအိုမောနင်းသတင်းကို ဖြေခဲ့ပါတယ်။

သူတို့ရဲ့မင်္ဂလာပွဲကို နှစ်ဘက်မိဘတွေ သဘောတူညီခဲ့ကြပြီး ဆွေမျိုးသားချင်းတွေလည်း တက်ရောက်ခဲ့ကြတာပါ။

တရုတ်နိုင်ငံမှာ လက်ထပ်ထိမ်းမြားမှု ပြုမယ်ဆိုရင် လက်ထပ်ထိမ်းမြားမှုကို ရုံးမှာ မှတ်ပုံတင်ရမှာ ဖြစ်တဲ့အတွက် ခုကျင်းပခဲ့တဲ့ မင်္ဂလာပွဲဟာ တရားဝင် အသိအမှတ်ပြုထားခြင်း မရှိဘူးလို့ သတင်းမှာ ဖော်ပြပါတယ်။

သတို့သမီး ၀ူကတော့ သူတို့ရဲ့မင်္ဂလာပွဲဟာ မိဘဆွေမျိုးတွေရှေ့မှာ ကျင်းပခဲ့တာဖြစ်ပြီး လက်ထပ်ထိမ်းမြားမှုဆိုင်ရာ မှတ်ပုံတင်တာကိုတော့ သူတို့အသက်ပြည့်ချိန်မှာ ဆက်လုပ်သွားမယ်လို့ ပြောလိုက်ပါတယ်။

လူမှုကွန်ရက် စာမျက်နှာတွေပေါ်မှာ ဒီလက်ထပ်မင်္ဂလာပွဲ ကျင်းပခွင့်ပြုခဲ့တဲ့ မိဘတွေနဲ့ သူတို့နှစ်ဦးကို ဝေဖန်မှုတွေ မြင့်တက်ခဲ့တာပါ။

တရုတ်အင်တာနက် လူမှုကွန်ရက်စာမျက်နှာ ဝေဘိုအသုံးပြုသူတဦးက “သူတို့ ချစ်ခြင်းမေတ္တာဆိုတာ ဘာလဲ။ မိသားစုဆိုတာ ဘာလဲ ဆိုတာတွေကို ဘယ်လိုသိနိုင်ဦးမလဲ။ ဒီလက်ထပ်မှုက တကယ့်ကို မဖြစ်နိုင်တာပဲ။ သူတို့တွေ အသက်ကြီးလာကြရင် သူတို့အမြင်တွေ ပြောင်းလဲသွားကြမှာပဲ။ အဲဒီအချိန်ကျရင် သူတို့ဟာ ကွာရှင်းလိုက်ဖို့ ၉၉ ရာခိုင်နှုန်း သေချာနေတယ်” လို့ ဝေဖန်လိုက်တာပါ။

တခြား ဝေဘိုအသုံးပြုသူတဦးကတော့ “ညီမလေး၊ မင်းအရွယ်ရောက်လာရင် မင်း ဒါကို နောင်တရနေလိမ့်မယ်” လို့ ရေးခဲ့ပါတယ်။

ဓာတ်ပုံ – စီစီတီဗွီ

by ဒီဗွီဘီ

Originally published at - http://burmese.dvb.no/archives/136494