ဆိုင်မွန်(ဗဟုသုတများ): ရိုးရာဟန် ပန်းချီကားများနဲ့ ခေတ်ပြိုင်ကို ပုံဖော်တင်ပြတဲ့ ပန်းချီ အောင်

မြန်မာ့ ပန်းချီဟာ မဇ္ဈိမဒေသ (အိန္ဒိယ) မှ ပြန့်ပွား လာတဲ့ ဗုဒ္ဓဝါဒနဲ့ အတူ တွဲဖက် ပါလာတဲ့ ပါလ ပန်းချီ ရေးနည်းက ဆင်းသက် လာတာ ဖြစ်ပြီး ကောက်ကြောင်း
ရေး ဆေး ပိန်း ခြယ်တဲ့ နည်း စနစ်ကို အသုံးပြု ပါတယ်။

ပုဂံခေတ်မှာ ဗုဒ္ဓ နိပါတ်တော်များ၊ ဇာတကများ၊ ဟိန္ဒူ ဘာသာရေး အယူများ၊ ကနုတ်ပန်း ပန်းခြူးနွယ်များကို ရေးဆွဲ ကြပါတယ်။

ပုဂံခေတ်မှာ မြန်မာပန်းချီဟာ အိန္ဒိယဟန် လွှမ်းခဲ့ပေမယ့် ညောင်ရမ်းခေတ် ရောက်တော့ မြန်မာ ဆန်ဆန် ကိုယ်ပိုင်ဟန် ရေးဆွဲ လာနိုင်ခဲ့ပြီး နောက်ပိုင်းမှာ မြန်မာမှု ခိုင်မာ လာပါတယ်။

လက်ရှိ မြန်မာ့ ပန်းချီလောက မှာတော့ အနောက်တိုင်း ပန်းချီရေးနည်း အထူးသဖြင့် အင်္ဂလန် ပန်းချီရေးနည်းက လွှမ်းမိုးတယ်လို့ ဆိုနိုင် ပါတယ်။

ဘာဖြစ်လို့လဲ ဆိုတော့ ပညာတော်သင်သွားကြတဲ့ ကြတဲ့သူ အတော်များများဟာ အင်္ဂလန်ကိုသာ သွားရောက်ကြတာကြောင့်ပါ။

တဖန်လည်း ပန်းချီကျောင်းတွေ၊ သင်တန်းတွေမှာလည်း Line, Tone, Color, Perspective, Shape, Form, Light, Shade စသဖြင့် အနောက်တိုင်းက ပန်းချီနည်းစနစ်ကို အထူးပြု သင်ကြားပေးတာကြောင့်လည်း ဖြစ်နိုင်ပါတယ်။

ပြောချင်တာက မြန်မာရိုးရာဟန် ပန်းချီဖန်တီးမှု အားနည်းနေတယ် ဆိုတာပါပဲ။ ပြောရရင် ခေတ်ပြိုင်ကို ထင်ဟပ်တဲ့ ရိုးရာဟန်ပန်းချီ ပိုပြီး အားနည်းနေပါတယ်။

သို့ပေမယ့် လူငယ် ပန်းချီ ဆရာ ပန်းချီ အောင် (Aung Painting) ကတော့ ရိုးရာဟန် ပန်းချီကို တစိုက် မတ်မတ် ရေးဆွဲ လာတဲ့ ပန်းချီ ဆရာပါ။

သူ့လက်ရာ တွေကို လေ့လာ ကြည့်ရင် သွယ်နွဲ့ အားကောင်းတဲ့ လိုင်း၊ ပြေပြစ် လှပတဲ့ အရောင်တွေ သုံးစွဲ ရေးဆွဲ တတ်သလို တခါတရံ မှာတော့ အရောင် မှိုင်းမှိုင်းနဲ့ ကြည်လင်တဲ့ အရောင်ကို စုဖွဲ့ ဖန်တီး တတ်တာ တွေ့ရ ပါတယ်။

“ကျနော် ပန်းချီကားတွေကို မြန်မာ့ ရိုးရာ ဒီဇိုင်း သဘော တရားတွေနဲ့ တွေးစရာ အနည်းငယ်နဲ့ ပေါင်းစပ် ဖွဲ့စည်းထား ပါတယ်။

ပန်းချီကားကို အနုစိတ်ရေးခြယ်ပြီး အရောင်တွေနဲ့ ရေးတဲ့ အကြောင်းရာ တွေကို Contrast ဖြစ်အောင် ရေးပါတယ်။

အဲဒါကြောင့် အဓိက ပြချင်တဲ့ နေရာတွေမှာ အဖြူနဲ့ အနက် အစစ် အတိုင်း ရေးပါတယ်။ မဖြစ်နိုင်တဲ့ အရာတွေကို စိတ်ကူးယဉ် ဆန်ဆန် ရေးဖွဲ့ ပါတယ်။ မြန်မာလူမျိုး တယောက် ပီပီ ကျနော့် ပန်းချီကားမှာ မြန်မာ ဆိုတာလေး ပါအောင်နဲ့ မြန်မာ တို့ရဲ့ ခမ်းနားမှု တချို့ကို ထည့်သွင်း ရေးဖွဲ့ ပါတယ်။

အထူးသဖြင့် မိန်းမသားတွေရဲ့ ခွန်အားကြီးမားမှုကို အသားပေး ရေးဖွဲ့ ပါတယ်။ ကျနော်တို့ လူအဖွဲ့ အစည်းကြီး ဖြစ်လာစေဖွှို အနစ်နာ ခံပေးတဲ့ မိန်းမသားတွေကို အထင်ကြီး လေးစားလို့ပါ” လို့ အသက် ၂၂ နှစ် အရွယ် ပန်းချီ အောင်က ပြောပါတယ်။

အထက်မှာ ဖော်ပြ ထားတဲ့ ပန်းချီ ကားတွေကို ကြည့်ပါ။ ခွန်အား ကြီးမားပြီး ရိုင်းစိုင်း ကြမ်းတမ်းတဲ့ ခြင်္သေ့ကြီး တကောင်၊ သွယ်နွဲ့ ပျော့ပျောင်း သိမ်မွေ့ လှတဲ့ အမျိုးသမီးရဲ့ နူညံ့ဖြူစင်တဲ့ မေတ္တာအားနဲ့ ချည်နှောင်ကာ ထွေးသိမ့် ပေးနေပုံတွေ ဖြစ်ပါတယ်။

ခေတ်ပြိုင် အဖြစ်အပျက်တွေနဲ့ ဆက်စပ် ခံစားကြည့်စေ လိုပါတယ်။ ပန်းချီ ဆရာကတော့ မိန်းမသားတွေရဲ့ ခွန်အား ကြီးမားမှုကို အသားပေး ဖော်ပြတာ လို့ ပြောပါတယ်။

အောက်မှာ ဖော်ပြထားတဲ့ ပန်းချီကားကိုလည်း ကြည့်ပါဦး။

ဒေါမာန်ဟုန် အပြည့်နဲ့ အမောက်ထောင် နေတဲ့ နဂါးကြီး တကောင်၊ မေတ္တာ အင်အား ကြီးမားပြီး ရဲရင့်တဲ့ အမျိုးသမီး တဦး၊ ငြိမ်းချမ်းရေး ချိုး (ဂျိုး) ငှက် တစ်ကောင် လို့ ယူဆရတဲ့ အဖြူရောင် ငှက်တကောင်တို့ကို ပန်းချီကား ထဲမှာ တွေ့ရ မှာပါ။

ပန်းချီကားတွေကို ကြည့်ရှုခံစားရင်း သင့်ရဲ့ အတွေးစိတ်ကူး ခံစားမှု တခုခုကို ဆက်စ ပ်ခံစားစေနိုင်တဲ့ ပန်းချီကားတွေပါ။

အောက်မှာ ဖော်ပြထားတဲ့ ပန်းချီကားတွေ ထဲမှာတော့ ပန်းချီအောင်ရဲ့ ဆန္ဒ သဘောကို ထင်ဟပ်ပြ နေတယ်လို့ ခံစားရပါတယ်။

အနုပညာဆိုတာ စိတ်ခံစားမှုကို ကျွမ်းကျင်မှုနဲ့ ထင်ဟပ် ပုံဖော်တင်ပြတာ ဖြစ်ပါတာကြောင့် ပန်းချီအောင်ရဲ့ စိတ်ခံစား မှုနဲ့ လက်ရှိ ခေတ်ကာလ ကျနော်တို့ နိုင်ငံရဲ့ စီးပွားရေး နိုင်ငံရေး လူမှုရေးတွေကို ထင်ဟပ် တင်ပြတဲ့ ဖန်တီး မှုတွေပါပဲ။

ပန်းချီအောင်က အောင်လံမြို့ ဇာတိဖြစ်ပါတယ်။ သူဟာ ငယ်စဉ်ကတည်း ဦးလေးဖြစ်သူ ပန်းချီဆရာ ဦးတင်အောင်ဌေးနဲ့ အတူ နေထိုင် ခဲ့တာပါ။

ပန်းချီ အောင် (Aung Painting)

ပန်းချီ ဆရာ ဦးတင်အောင်ဌေး ဟာ မြန်မာမှု မြန်မာ ဟန်ကို နှစ်သက် မြတ်နိုးသူ ပန်းချီ ဆရာ တဦး ဖြစ်ပြီး တရုတ် နိုင်ငံ China Academy Of Arts Hangzhou က ပန်းချီနဲ့ ပတ်သက်ပြီး ဒေါက်တာ ဘွဲ့ ယူခဲ့ တယ်လို့ သိရ ပါတယ်။

“ကျနော့် ဦးလေး ပန်းချီ ဆရာ ဒေါက်တာ ဦးတင်ဌေးအောင်ကြောင့် ကျနော် ငယ်ငယ် ကတည်းက မြန်မာ့ ရိုးရာ ပန်းချီနဲ့ ထိတွေ့ နှစ်သက် မြတ်နိုးခွင့် ရခဲ့ ပါတယ်။

ဦးလေး ဒေါက်တာ ဦးတင်ဌေးအောင်ရဲ့ ကျေးဇူး ကြောင့်ပဲ Fine Arts School (Mandalay) မှာ ၂၀၁၁ ခုနှစ် ကနေ ၂၀၁၃ ခုနှစ် အထိ၊ ၃ နှစ်ကြာ ပန်းချီ ပညာ သင်ယူ ခဲ့ ပါတယ်။

ပန်းချီ ကျောင်းဆင်းပြီး ၂၀၁၃ မှာတော့ National University of Arts and Culture (Yangon ) မှာ ပန်းချီ ပညာ အထူးပြု ဘာသာရပ်နဲ့ တက်ရောက် သင်ယူ နေပါတယ်။

အခု လက်ရှိမှာတော့ ပထမနစ် ဂုဏ်ထူးတန်း တက်ရောက် နေပါတယ်” လို့ ပြောပါတယ်။

“ကျနော်က မြန်မာ့ရိုးရာကို နှစ်သက်ပြီး အနုစိတ် ရေးရတာကို ကြိုက်တယ်။ မြန်မာ့ရိုးရာကို လေ့လာနေသူ ဖြစ်ပါတယ်။ မြန်မာ့ရိုးရာဟန်နဲ့ Background ကို Pattern သုံးပြီး Shape တွေ Space တွေ ကစားရတာ ကြိုက်တယ်ဗျ။

ကျနော် ရေးဖွဲ့တဲ့ ကားတွေမှာ လှတယ် ဆိုတာထက် အနည်းငယ်ပိုတဲ့ တွေးစရာလေးတွေ ထည့်ထားပါတယ်။ ကျနော်က အနုပညာရှင် မဟုတ်သေးပါဘူး။

ပန်းချီရေးဆွဲ လေ့လာသူမျှသာပါ။ မြန်မာ့ရိုးရာနဲ့ ပတ်သပ်တာတွေကိုပဲ တစိုက်မတ်မတ် လေ့လာသွားပါဦးမယ်” လို့ ပန်းချီအောင်က ပြောပါတယ်။