လက်မရှိတဲ့ ဆယ်ကျော်သက် မျက်လှည့်ဆရာ

ဦးနှောက် အမြှေးရောင် ရောဂါကြောင့် လက်ချောင်း အများစုကို ဆုံရှုံးနေရတဲ့ ဆယ်ကျော်သက် အရွယ် အမျိုးသားလေး တဦးဟာ မျက်လှည့်ပညာကို တတ်ကျွမ်း သူလို့ ဆိုရင် အံ့သြနေ ကြမှာပါ။

ဘာကြောင့်လည်း ဆိုတော့ မျက်လှည့် ပညာရှင် တော်တော် များများဟာ လူတွေရဲ့ မျက်စိကို သူတို့ရဲ့ လက်ကလေးတွေ စိတ်စွမ်းအား တွေနဲ့ လှည့်စားပြီး ပြသ တတ်ကြတာ များပါတယ်။



မျက်လှည့်ဖဲချပ်လေးတွေကို ကိုင်နိုင်ရုံမျှရှိတဲ့ လက်ချောင်းတိုလေးတွေနဲ့ အသက် ၁၈ နှစ်အရွယ် Dean Lahan ဆိုသူ လူငယ်လေးဟာ ဘယ်တော့မှ ဘ၀ကို အရှုံးမပေးဘဲ သူရဲ့ အိမ်မက်ဖြစ်တဲ့ အောင်မြင်တဲ့ မျက်လှည့်ပညာရှင်တဦးဖြစ်လာဖို့ကို ကြိုးစားနေသူပါ။

Dean ရဲ့ မျက်လှည့်ပြကွက်တွေကို ရိုက်ကူးထားတဲ့ ဗီဒီယိုဖိုင်အား အင်တာနက်မှာ စတင်ဖြန့်ချိလိုက်ပြီးတဲ့ နောက် ကြည့်ရှုသူ အရေအတွက် ၆ သောင်း ၅ ထောင်ကျော် ရှိခဲ့ပြီး အခုဆိုရင် သူ့ကို လက် မရှိတဲ့ မျက် လှည့်ဆရာလို့ လူတော်တော်များများသိလာခဲ့ပါပြီ။



ဦးနှောက်အမြှေးရောင်ရောဂါကြောင့် အသက် ၁၈ လ လောက်ကတည်းက လက်ချောင်းလေးတွေနဲ့ ညာခြေထောက်ကို ဆုံးရှုံးခဲ့ရပေမယ့်လည်း Dean ဟာ မျက်လှည့်ပညာကို လေ့လာဆည်းပူခဲ့ပါတယ်။

Dean ဟာ ဦးနှောက်အမြှေးရောင်ရောဂါကြောင့် ညာခြေ၊ ဘယ်လက်ရှိ လက်ချောင်းလေးများ၊ လက်မတ၀က်နှင့် ညာလက်ရှိ လက်ချောင်းများ တ၀က်နီးပါး ဆုံရှုံးခဲ့ရပါတယ်။



သူ့ရဲ့ ရှိုးပွဲမှာပြသလေ့ရှိတဲ့ မျက်လှည့်ပြကွက်အများစုကတော့ ဖဲချပ်ဖြင့်ပြတဲ့ မျက်လှည့်၊ လူတယောက်ရဲ့ စိတ်ကို ဖတ်ပြခြင်း၊ အကြွေးစေ့လေးများကို အသုံးပြုပြီး မျက်လှည့်ပြခြင်း တို့ဖြစ်ပါတယ်။

Dean ဟာ သရုပ်ဖော်ခြင်း ဆိုင်ရာ ပညာရပ်ကို သင်ကြားနေသူ ဖြစ်ပြီး မျက်လှည့် ပညာကို လွန်ခဲ့တဲ့ ငါးနှစ်လောက် သူ့ရဲ့ ဦးလေးနှင့်အဒေါ်ရဲ့ မင်္ဂလာပွဲမှာ စတင်ပြသ ခဲ့ပါတယ်။

Ref: daily mail

The Irrawaddy's Blog by thae thae

Original link - http://blog.irrawaddy.org/2015/10/blog-post_45.html

ဒီပို့စ်လေးကို နှစ်သက်တယ်ဆိုရင်

လုပ်နိုင်ပါတယ်။