အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Thursday, December 1, 2016

ခြင်္သေ့အုပ်ကို တကောင်တည်း ရင်ဆိုင်တိုက်ခိုက်ခဲ့သည့် အာဖရိကန်ကျွဲ




အာဖရိကန် ကျွဲ အမျိုး အစား မျိုးစိတ် တွေဟာ အာဖရိက ဒေသမှာသာ တွေ့ရနိုင်တဲ့ မျိုးစိတ် တမျိုးပါ။

သူတို့ဟာ သစ်တော၊ မြက်ခင်း လွင်ပြင်နဲ့ မြေနိမ့်ပိုင်း မိုးသစ်တော တွေထဲမှာ အုပ်စုဖွဲ့ နေထိုင်လေ့ ရှိပါတယ်။

အာဖရိကန် ကျွဲတွေဟာ ကြီးမားတဲ့ သတ္တဝါ မျိုးစိတ် ထဲမှာ ပါဝင်ပြီး အလျား ၆ ဒသမ ၈ ပေကနေ ၁၁ ပေထိ၊ အမြင့် ၃ ဒသမ ၂ ပေကနေ ၅ ဒသမ ၆ ပေထိ၊ ကိုယ်အလေး ချိန်ပေါင် ၆၆၀ ကနေ ၁၉၀၀ ထိ ရှိနိုင် ပါတယ်။

ကြီးမားတဲ့ ဦးခေါင်း၊ ကျယ်ပြန့်တဲ့ ရင်အုပ်၊ သန်မာတဲ့ ခြေထောက်တွေရှိတဲ့ ဒီကျွဲတွေဟာ သာမန်နွားထီးတကောင်ထက် ၄ ဆ ပိုမိုသန်စွမ်းပါတယ်။

ဒါပေမယ့် အုပ်စုဖွဲ့အခြေအနေနဲ့ နေထိုင်လေ့ရှိတဲ့ အခြေအနေနဲ့ တကောင်တည်းရှိနေတဲ့ အခြေအနေဟာ ကွာခြားမှုရှိနေပါလိမ့်မယ်။

ဒီရုပ်သံဗွီဒီယိုဖိုင်ထဲမှာတော့ ခြင်္သေ့အုပ်စုတစုနဲ့ ရင်ဆိုင်တွေ့ချိန်မှာ တကောင်တည်း ရဲရဲရင့်ရင့်ရင်ဆိုင်ပြီး လွတ်မြောက်သွားခဲ့တဲ့ အာဖရိကန်ကျွဲတကောင်ရဲ့ ကြိုးပမ်းမှုကို တွေ့ရမှာပါ။

သူတို့ဟာ တခါတရံမှာ ထောင်နဲ့ချီတဲ့ ကျွဲအုပ်စုကြီးအဖြစ် သွားလာလေ့ရှိပေမယ့် ဒီတခါမှာတော့ အလှည့်အပြောင်းတခုလို ရင်ဆိုင်ခဲ့ရပုံ ပေါ်ပါတယ်။

ခုလို တကောင်တည်း ကွဲထွက်လာတဲ့ သူကတော့ သားကောင်ဖြစ်ရတဲ့ ထုံးစံတခုပါပဲ။

ခြင်္သေ့အုပ်စုဟာ အမဲဖျက်ဖို့ ကျွဲဆီကို ချဉ်းကပ်ခဲ့ကြချိန်မှာ ရင်ဆိုင်ခဲ့ပုံတွေကို ဒီ ရုပ်သံဗွီဒီယိုဖိုင်ထဲမှာ တွေ့ရမှာပါ။

ရေပတ်လည်ဝိုင်းထားတဲ့ ပတ်ဝန်းကျင်အခြေအနေမှာ ဘေးကဝိုင်းထားတဲ့ ခြင်္သေ့တွေကြားက အာဖရိကန်ကျွဲရဲ့ အဖြစ်ဟာ မတွေးဝံ့စရာပါပဲ။

ဒါပေမယ့် သူတို့မှာ ထူးခြားတဲ့ တုံ့ပြန်မှုတွေနဲ့ မထင်မှတ်ထားတဲ့ မှတ်ဉာဏ်တမျိုးကို ပိုင်ဆိုင်ကြပါတယ်။

ရေထဲမှာ သူ့ကို ကိုက်ခဲနေတဲ့ ခြင်္သေ့တွေကို ပြန်လည်တုံ့ပြန်ဖို့ ဟန်ပြင်လိုက်ချိန်မှာ ခြင်္သေ့တွေဟာ ကမ်းပေါ်ကနေပဲ စောင့်ကြည့်နေကြပါတော့တယ်။

ခြင်္သေ့တွေဟာ သူတို့ထက် အရွယ်အစားပိုကြီးမားတဲ့ ကျွဲဆီကို မချဉ်းကပ်လာရဲပဲ ရှိနေခဲ့တာပါ။

ခြင်္သေ့တွေက ရေထဲဆင်းလာဖို့ ကြိုးစားလိုက်၊ ကျွဲက ပြန်ပြီးမာန်ပြင်လိုက်ချိန်မှာ ကမ်းပေါ်ပြန်တက်လိုက်နဲ့ ရှိနေခဲ့ကြတာဖြစ်ပြီး ကျွဲဟာ ရေထဲကနေ အချိန်အတော်ကြာတဲ့ထိ မလှုပ်ရှားဘဲ ရှိနေခဲ့ပါတယ်။

အဲဒီနောက်တော့ ကျွဲဟာ ရေကန်ရဲ့ အခြားတဘက်ဆီ ကူးခပ်သွားခဲ့ချိန်မှာတော့ ခြင်္သေ့တွေဟာ မလိုက်နိုင်တော့ပဲ လွတ်မြောက်သွားခဲ့တာပါ။



From : ဒီဗွီဘီ

Originally published at - http://burmese.dvb.no/archives/178112

No comments:

Related Posts

Related Posts Plugin for WordPress, Blogger...