အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Saturday, December 24, 2016

အမေဇုန်တောနေ လူမျိုးစုသစ်တစုကို အံ့သြဖွယ် တွေ့ရှိ




“အပြင်ကမ္ဘာနဲ့ ပထမဦဆုံး အဆက်အသွယ်” ရချိန်မှာ ဟယ်လီကော်ပတာထဲက ဓာတ်ပုံဆရာတွေကို မြားနဲ့ချိန်ရွယ်ထားတဲ့ အမတန်ဝေးလံလှတဲ့ အမေဇုန်တောထဲက လူမျိုးစုအသစ်တစုရဲ့ အံ့သြဖွယ်ရာ ဓာတ်ပုံတွေကို မေရာသတင်းမှာ ဒီဇင်ဘာလ ၂၃ ရက်နေ့က ဖော်ပြထားပါတယ်။

ရာသီဥတု ဆိုးရွားလို့ စီးလာတဲ့ ဟယ်လီကော်ပတာက လမ်းကြောင်းမှားရင်း ဘယ်တုန်းကမှ မတွေ့ဘူးတဲ့ တောတွင်းနေ လူမျိုးစုသစ် တစ်ခုကို မထင်မှတ်ပဲ တွေ့ခဲ့ပြီး ဓာတ်ပုံတွေကို ဘရာဇီးလီးယားလူမျိုး ဓာတ်ပုံဆရာ ရီကာဒိုစတုကာ့တ်က ရိုက်ကူးခဲ့တာပါ။ အဲဒီနောက် ဓာတ်ပုံတွေကို National Geographic မှာ ထည့်သွင်းဖော်ပြခဲ့တာပါ။

ဒီဓာတ်ပုံတွေကို ဘရာဇီးလ်နဲ့ ပီရူးနိုင်ငံတွေရဲ့ နယ်စပ်အနီးအနားမှာ ရိုက်ကူးခဲ့တာလို့ သိရပါတယ်။

ကြည်လင်ပြတ်သားတဲ့ ဓာတ်ပုံတွေက အမေဇုန်တောနက်ကြီးထဲမှာ လုံးဝကို သီးသန့်နေထိုင်ကြတဲ့ ဒေသခံလူမျိုးစုတွေကို ပြသနေတယ်လို့ ဆိုပါတယ်။

“လွန်ခဲ့တဲ့ နှစ် ၁၀၀ လောက်က ပန်းချီဆရာ တယောက်လို ကိုယ့်ကိုယ်ကို ခံစားလိုက်ရတယ်” လို့ စတုကာ့တ် ပြောပါတယ်။

မိုးသစ်တောထဲက သီးသန့်နေထိုင်တဲ့ သက်ရှိလူသားတွေဟာ လွန်ခဲ့တဲ့ နှစ်ပေါင်း ၂ သောင်းလောက်ကတည်းက နေထိုင်မှုပုံစံအတိုင်း ဆက်လက်ရှင်သန် နေထိုင်ကြပုံရတယ်လို့ ဆိုပါတယ်။



စိတ်ရှုပ်ထွေးနေပုံရတဲ့ လူအုပ်စုတစ်စုရဲ့ဓာတ်ပုံတွေက ကမ္ဘာကြီးမှာ ပျောက်ဆုံးနေတဲ့ ကျောက်ခတ်လူသားတွေရဲ့ ထူးခြားတဲ့ နေထိုင်မှုပုံစံကို ပြသနေတယ်လို့ ကျွမ်းကျင်သူတွေက ပြောပါတယ်။

ပုံထဲက အမျိုးသားတဦးဟာ မြားကို လေးမှာတပ်ပြီး ချိန်ရွယ်ထားပါတယ်။ နောက်လူမျိုးစုထဲက အမျိုးသားတဦးကလည်း လေးကြိုးကိုတပ်နေပါတယ်၊ နောက်တဦးကလည်း ဓားအကြီးကြီးတချောင်းလို့ ယူဆရတဲ့ လက်နက်တခုကို ကိုင်ဆောင်ထားပါတယ်။

သူတို့တွေကိုကြည့်ရတာ ယခင်အချိန်တွေတုန်းက ဖွံ့ဖြိုးနေတဲ့ကမ္ဘာကြီးနဲ့ လုံးဝအဆက်အသွယ်မရှိပုံပါပဲ။

“ယဉ်ကျေးမှုနဲ့ လုံးဝအဆက်အသွယ်မရှိတဲ့ လွန်ခဲ့တဲ့ နှစ် ၂ သောင်းလောက်က သူတို့ရဲ့ ဘိုးဘွားဘီဘင်တွေလို နေထိုင်နေတဲ့ လူတွေ ၂၁ ရာစုနှစ်မှာ ရှိနေတာကို စဉ်းစားလိုက်ရင် ဒါက တကယ့်ကို အင်မတန်စွမ်းအားပြင်းတဲ့ စိတ်လှုပ်ရှားစရာတစ်ခုပါပဲ” လို့ ဓာတ်ပုံဆရာက ပြောပါတယ်။

ဒီလူမျိုးစုဝင်တွေရဲ့ ဆံပင်ထားတဲ့ပုံစံနဲ့ ခန္ဓာကိုယ်တွေပေါ်မှာ ဆေးခြယ်ထားတာတွေကို ကြည့်လိုက်ရင် သူတို့တွေက သူတို့ရဲ့ ကိုယ်ပိုင်ဟန်နဲ့ နေထိုင်နေတယ်လို့ သိရပါတယ်။



ဘရာဇီးလ်နိုင်ငံရဲ့ ရှေးခေတ်ဒေသခံ လူမျိုးစုတွေကို နှစ် ၄၀ ကျော်ကြာ လေ့လာနေတဲ့ ကျွမ်းကျင်သူ ဂျိုဆီကာလို့စ်က “ကျနော်တို့ထင်တာ သူတို့အားလုံး ဆံပင်ပုံစံတွေကို တပုံစံတည်း ညှပ်ထားကြတယ်” “အဲဒါက မမှန်ပါဘူး သူတို့တွေက ပုံစံတွေ အမျိုးမျိုးတွေပါ သူတို့ထဲကတချို့တွေရဲ့ ဆံပင်ပုံစံက ပန့်ခ်တွေရဲ့ ဆံပင်ပုံစံနဲ့ တူတယ်”လို့ ပြောပါတယ်။

ခုရှာတွေ့ခဲ့တဲ့ လူမျိုးစုတွေဟာ ၂၀၀၈ ခုနှစ်တုန်းက ကမ္ဘာကြီးရဲ့ အာရုံစိုက်မှုကို ရခဲ့တဲ့ လူမျိုးစုတွေနဲ့ တစုတည်း ဖြစ်ပုံရတယ်လို့ ပြောပါတယ်။

ဓာတ်ပုံဆရာ စကုကာ့ဒ်ဟာ ဘရာဇီးလ်နိုင်ငံထဲက ဒေသခံ တောတွင်းနေလူမျိုးစုတွေကို တနှစ်ကြာ ဓာတ်ပုံရိုက်ဖို့ စီမံချက်ကို လုပ်ဆောင်နေတာပါ။

မိုးခြိမ်းပြီး ရာသီဥတုဆိုးရွားရာကနေ သွားမယ့်နေရာကို မရောက်ဘဲ လမ်းလွှဲရောက်သွားပြီး ဒီလူမျိုးစုတွေကို တွေ့ရှိ မှတ်တမ်းတင်နိုင်ခဲ့တာပါ။

တောနက်ကြီးထဲက ကောက်ရိုးအိမ်တွေနားမှာ အံသြတကြီးနဲ့ ဖြစ်နေတဲ့ အဝတ်အစား မဝတ်ထားတဲ့ လူတွေကို တွေ့ခဲ့တယ်လို့ ဆိုပါတယ်။

“သူတို့ကြည့်ရတာ ကြောက်နေတာထက် စူးစမ်းချင်တာက ပိုတယ်” လို့ စတုကာ့တ်က ပြောပါတယ်။

လူမျိုးစုရေးရာ ကျွမ်းကျင်သူ ဂျိုဆီကာလို့စ်ကလည်း သူတို့ရဲ့ တဲအိမ်စုတွေနားမှာ ပြောင်း၊ ပလောပီနံနဲ့ ငှက်ပျောခင်းတွေနဲ့ဆိုတော့ သူတို့ကြည့်ရတာ ကောင်းကောင်းစားရပြီး ကျန်းမာသန်စွမ်းပုံရပါတယ် လို့ပြောပါတယ်။ လူဦးရေကတော့ ၃၀၀ လောက်ရှိနိုင်တယ်လို့ ခန့်မှန်းထားပါတယ်။

ဂျိုဆီက သူတို့ရဲ့မြားတွေ ဟယ်လီကော်ပတာကို ပစ်လွှတ်လိုက်တာက “သတင်းစကား ပေးလိုက်တာပါ။ ဒီမြားတွေရဲ့ အဓိပ္ပာယ်က ကျနော်တို့ကို လာမနှောင့်ယှက်ပါနဲ့” ဆိုတဲ့ အဓိပ္ပာယ်ပါ လို့ ပြောပါတယ်။

From : ဒီဗွီဘီ

Originally published at - http://burmese.dvb.no/archives/181117

No comments:

Related Posts

Related Posts Plugin for WordPress, Blogger...