အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Thursday, March 23, 2017

သားကို တိုက်သတ်ခဲ့သည့် ဘတ်စ်ကားအား ရပ်တန့်ရန် ကြိုးစားခဲ့သည့် အံ့ဖွယ်နွားမကြီး




လွန်ခဲ့တဲ့ ၄ နှစ်က သားကို တိုက်သတ် ခဲ့တဲ့ ဘတ်စ်ကားကို မမေ့ဘဲ မိခင် နွားမကြီးက အဲဒီ ဘတ်စ်ကားကို ရပ်တန့်ဖို့ ကြိုးစား နေတာကို ရုပ်သံထဲမှာ မြင်တွေ့ ရမှာပါ။

ဒီရုပ်သံက ဘယ်လို လူမျိုးကို မဆို စိတ်မကောင်း ဖြစ်စေမိမှာ အမှန်ပါပဲ။

တိရစ္ဆာန် တွေက စိတ်ခံစား လှုပ်ရှားမှု မရှိဘူးလို့ ထင်တဲ့ သူတွေလည်း ဒီရုပ်သံကို ကြည်သင့် တယ်လို့ ညွှန်းဆို ထားပါတယ်။

လွန်ခဲ့တဲ့ ၄ နှစ်က အိန္ဒိယနိုင်ငံ၊ ကာနာတာကာပြည်နယ်မှာရှိတဲ့ ဆာဆီမြို့မှာ ဘတ်စ်ကားတစီးက နွားသားပေါက်လေးတကောင်ကို မိခင်နွားမကြီးရဲ့ မျက်စိရှေ့မှာပဲ တိုက်သတ်မိသွားခဲ့ပါတယ်။

အဲဒီလိုဖြစ်ပြီးကတည်းက မိခင်နွားမကြီးဟာ အထိတ်တလန့်ဖြစ်သွားပြီး သူ့သားကို တိုက်မိခဲ့တဲ့ ဘတ်စ်ကားနား နေ့တိုင်း လှည့်ပတ်သွားနေတယ်လို့ သိရပါတယ်။

နွားမကြီးက သားကိုတိုက်မိခဲ့တဲ့ ဘတ်စ်ကားနဲ့ ကားမောင်းသမားကို တိုက်ခိုက်ဖို့ နေ့တိုင်း ကြိုးစားနေတာလို့ ဆိုပါတယ်။

ရုပ်သံထဲမှာ နွားမကြီးက ဘတ်စ်ကားရှေ့ကို လာပြီး ရှေ့ဆက်သွားလို့မရအောင် တားဆီးနေတာလည်း မြင်ရမှာပါ။

အမျိုးသားတဦးက တုတ်တချောင်းနဲ့ နွားမကြီးကို ခြောက်လန့်ပြီး ဘတ်စ်ကားရှေ့က ဖယ်ခိုင်းကာ တခြားနေရာကို သွားခိုင်းပေမယ့် ဒီလို တုတ်နဲ့ ခြောက်လန့်နေတဲ့ လူဆီက လွတ်သွား တာနဲ့ နွားမကြီးက ဘတ်စ်ကားနောက်ကို ပြန်ပြေး လိုက်နေတာပါ။

ထူးခြားတာတခုကတော့ နွားမကြီးဟာ အဲဒီနေရာကိုလာနေတဲ့ ဘယ်ဘတ်စ်ကားကိုမှ ရပ်တန့်ဖို့ကြိုးစားတာမဟုတ်ဘဲ သူ့သားပေါက်လေးကို တိုက်သွားခဲ့တဲ့ ဘတ်စ်ကားကိုသာ ရပ်တန့်တားဆီးဖို့ ကြိုးစားနေတာ ဖြစ်ပါတယ်။



From : ဒီဗွီဘီ

Originally published at - http://burmese.dvb.no/archives/196822

No comments:

Related Posts

Related Posts Plugin for WordPress, Blogger...