စာမေးပွဲမှာ ခိုးချလို့ မရအောင် အတွင်းခံ ဘောင်းဘီပဲ ၀တ်ခွင့်ပေးပြီး ကွင်းပြင်ထဲမှာ ဖြေခိုင်း

အိန္ဒိယ နိုင်ငံဟာ နည်းပညာ ထူးချွန် သူတွေ ထွက်သလောက် စာမေးပွဲမှာ နည်းပညာ အသုံးချပြီး စာခိုးချတဲ့ ကျောင်းသား တွေလည်း ပေါပါတယ်။

ကျောင်းသားတွေဟာ မိုက်ကရို ဖုန်းတွေ၊ နားကြပ်တွေ၊ ကင်မရာတွေကို သူတို့ရဲ့ အဝတ် အစားတွေ ကြားထဲမှာ ဖွက်ယူ လာပြီး စာမေးပွဲခန်း အပြင်က လူတွေနဲ့ ဆက်သွယ်ဖို့ ကြိုးစားလေ့ ရှိသလို နည်းပညာ အကူအညီ မပါတဲ့ အခြားနည်း မျိုးစုံနဲ့လည်း ခိုးချဖို့ ကြိုးစား တတ်ကြ ပါတယ်။

ဒီလိုခိုးချနေ တာမျိုးတွေကို အိန္ဒိယ စစ်တပ် ကတော့ လုံးဝ လက်ခံဖို့ စိတ်ကူး ရှိပုံ မရပါဘူး။ အိန္ဒိယနိုင်ငံ၊ ဘီဟာပြည်နယ်မှာ ပြီးခဲ့တဲ့ ရက်ပိုင်း အတွင်းက လုပ်ခဲ့တဲ့ စစ်တပ်ဝင်ခွင့် စာမေးပွဲ တစ်ခုမှာ စစ်တပ် တာဝန်ရှိ သူတွေက ဝင်ရောက်ဖြေဆို သူတွေကို ဘာအကာ အကွယ်မှ မရှိတဲ့ ကွင်းပြင် ထဲမှာ အတွင်းခံ ဘောင်းဘီပဲ ဝတ်ခွင့်ပေးပြီး ဖြေဆို ခိုင်းခဲ့ ပါတယ်။

ဒါပေမဲ့ ဝင်ခွင့်ဖြေဆို သူတွေကို အဝတ်အစားတွေ ချွတ်ကာ ကွင်းပြင်ထဲမှာ ဖြေဆို ခိုင်းတာဟာ လုပ်ထုံး လုပ်နည်းတွေနဲ့ မညီညွတ်ဘဲ စီမံအုပ်ချုပ်မှုပိုင်း လစ်ဟင်းမှုတွေ အရ ပေါ်ပေါက် ခဲ့တာဖြစ်ကာ နောက်ထပ် ဒီလိုဖြေဆို ခိုင်းတာမျိုး ထပ်မံ ပေါ်ပေါက်ဖွယ် မရှိဘူးလို့ အိန္ဒိယစစ်တပ်ရဲ့ တာဝန်ရှိသူ တစ်ဦးက ပြောပါတယ်။

တကယ်လို့ အိန္ဒိယ စစ်တပ်အနေနဲ့ ဝင်ခွင့်ဖြေဆို သူတွေကို အခုနည်းလမ်း အတိုင်း စာမေးပွဲ ဆက်စစ်မယ် ဆိုရင်တော့ ကျောင်းသားတွေကို ခိုးမချအောင် အပြည့်အဝ တားဆီးနိုင်ဖွယ် မရှိသေး ပါဘူး။

ဘာကြောင့်လဲ ဆိုတော့ စာမေးပွဲမှာ ခိုးချဖို့ အတွက် အထူး ဖန်တီးထားတဲ့ နည်းပညာ ပစ္စည်းတွေ ရောင်းတဲ့ အိန္ဒိယဝက်ဘ်ဆိုဒ် တစ်ခုမှာ အတွင်းခံ ဘောင်းဘီထဲ ထည့်ပြီး အချက်ပြ ဆက်သွယ်နိုင်အောင် အထူးပြုပြင် ဖန်တီးထားတဲ့ Bluetooth သုံး ကိရိယာ တစ်ခုကို ကြော်ငြာ ထားတာ တွေ့ရလို့ ပါပဲ။

မဇ္ဈိမသတင်း by mizzima

Originally published at - http://mizzimaburmese.com/article/11879