GPS က ညွှန်တဲ့လမ်းအတိုင်း ကားမောင်းခဲ့တဲ့ အမျိုးသမီး ရေကန်ထဲ ရောက်သွား

နည်းပညာ ဆိုတာကလည်း အမြဲတမ်း မှန်ကန်နေတဲ့ အရာ မဟုတ်ပါဘူး။ သူတို့လည်း တစ်ခါ တစ်ရံ အမှားတွေ့ တတ်ပါတယ်။ ဒါ့ကြောင့် နည်း ပညာတွေကို အယုံအကြည် လွယ်လို့ မရဘဲ ကိုယ်ပိုင် ချင့်ချိန် ဆုံးဖြတ် မှုတော့ ပြုလုပ်ရ ပါလိမ့်မယ်။

အခုဆိုရင်တော့ GPS စနစ်ရဲ့ လမ်းညွှန်မှုအတိုင်းကားမောင်းခဲ့တဲ့ အမျိုးသမီးတစ်ယောက်ကတော့ ပေ ၁၀၀ အနက်ရှိတဲ့ ရေကန်ထဲကို ကားနဲ့အတူ ထိုးဆင်းသွားခဲ့တဲ့ အဖြစ်အပျက်ကို ကြုံတွေ့ခဲ့ပါတယ်။

အသက် ၂၃ နှစ်အရွယ်ရှိပြီဖြစ်တဲ့ ကားမောင်းသူအမျိုးသမီးဟာ ကနေဒီယန် ကပွဲတစ်ခုကို ညဘက်မှာ သွားရောက်ဖို့ ပြင်ဆင်ထားခဲ့တာပါ။ ညကြီးမင်းကြီး ကားမောင်းလာပြီး လမ်းမသိတဲ့အတွက်ကြောင့် သူမဟာ GPS စနစ်ကို ဖွင့်ပြီး လမ်းရှာမောင်းခဲ့တယ်လို့ သိရပါတယ်။

သူမအနေနဲ့ နေရာမှားယွင်းနေပြီဆိုတာ သိရှိပေမယ့်လည်း GPS က ပြထားတဲ့အတိုင်းပဲ ကားမောင်းခဲ့ပါတယ်။ အဲ့နောက်မှာတော့ ဆင်ခြေလျှောလေးတစ်ခုက လမ်းလေးတစ်ခုလို ပြေပြေလေးဖြစ်နေတာကြောင့် မောင်းဆင်းခဲ့လိုက်ရာမှာ ရေကန်ထဲကို သူ့ကားမောင်းမိသွားပြီဖြစ်ကြောင်း သတိပြုမိလိုက်ပြီး ကားထဲက ချက်ချင်းထွက်ပြီး ကိုယ်လွတ်ရုန်းခဲ့ရပါတော့တယ်။



သူမ မောင်းလာခဲ့တဲ့ ဆင်ခြေလျှောလေးဟာ လှေဆိပ်တစ်ခုဖြစ်ပြီး လှေဆိုက်ကပ်ထားခြင်းမရှိခဲ့တာကြောင့် လမ်းလေးတစ်ခုလို ဖြစ်နေခဲ့တာပါ။



မနက် အရောက်မှာတော့ သက်ဆိုင်ရာက ကားကို ကုန်းပေါ်ကို ပြန်လည် ဆွဲတင်ပေးခဲ့ပြီး တစ်စုံ တစ်ရာ ထိခိုက် ဆုံးရှုံးမှု မရှိခဲ့ဘူးလို့ သိရပါတယ်။

ဒါ့ကြောင့် GPS မှာ မှားယွင်းနေတဲ့လမ်းကြောင်းကို လိုက်မောင်းမိခဲ့တဲ့သူမကတော့ ရေကန်ထဲကို ကားနဲ့အတူထိုးကျသွားခဲ့ပါတယ်။

နည်းပညာမှာလည်း အမှားအယွင်းရှိနိုင်တာမို့ အားလုံးလည်း သတိပြုသင့်တယ်လို့ ရဲတပ်ဖွဲ့က ကြေညာခဲ့ပါတယ်။

Ref : CNet

Originally published at - http://knowledge.thithtoolwin.com/2016/05/gps.html