အထွေထွေဗဟုသုတများနှင့် ထူးခြားဆန်းပြားသတင်းများမျှဝေခြင်း

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Tuesday, November 22, 2016

မြွေတကောင်နှင့် လက်ပွန်းတတီး ဆော့ကစားနေသည့် ၂ နှစ်သားကလေး




လူအများ စုဟာ မြွေကို လှမ်းမြင် လိုက်ရရင် ကြောက်လန့် တကြား ထွက်ပြေး ကြမှာ ဖြစ်ပေမယ့် မြွေတကောင်နဲ့ လုံးထွေး ဆော့ကစား နေတဲ့ ဒီကလေးငယ်ကို ကြည့်ရတာ ထိတ်လန့် ကြောက်ရွံ့တာမျိုး မရှိဘဲ တကယ့်ကို ပျော်ရွှင် နေပုံပါပဲ။

အသက် ၂ နှစ်အရွယ်သာရှိသေးတဲ့ ဒီကလေးငယ်ဟာ နေအိမ်ဧည့်ခန်းထဲမှာ မိသားစုနဲ့အတူ ရှိနေခဲ့ချိန် မြွေတကောင်က ၀င်လာခဲ့တာပါ။

နေအိမ်ဧည့်ခန်းထဲကို မြွေတကောင် လျှောဝင်လာခဲ့ချိန်မှာ ကလေးငယ်က အကြောက်အလန့်မရှိဘဲ မြွေရဲ့ခေါင်းကို ဖမ်းယူခဲ့လို့ မိခင်ဖြစ်သူ ဆီက ထိတ်လန့် တကြား အော်ဟစ်သံကို ကြားလိုက် ရတာပါ။

အဲဒီနောက်တော့ ကလေးငယ်ဟာ အဲဒီမြွေနဲ့ အံ့သြစရာကောင်းလောက်အောင် လက်ပွန်းတတီး ဆော့ကစားနေခဲ့တာကို တွေ့ရပါတယ်။

မြွေဟာ ကလေးငယ်ဆီကနေ လွတ်မြောက်အောင် ကြိုးစားခဲ့ပေမယ့် သူက ဖမ်းထားခဲ့ပြီး ရစ်ပတ်နေခဲ့ကာ ပျော်ရွှင်မြူးထူးနေခဲ့တာကို တွေ့ရပါတယ်။

ဒီအဖြစ်အပျက်ဟာ တရုတ်နိုင်ငံ၊ ဂွမ်ဒေါင်းခရိုင်ထဲက နေအိမ်တအိမ်ထဲမှာ ဖြစ်ခဲ့ပြီး တရုတ်လူမှုကွန်ရက် စာမျက်နှာတွေပေါ်မှာ ရေပန်းစားနေခဲ့တာပါ။

ဒီရုပ်သံဗွီဒီယိုဖိုင်ကို ကြည့်ရှုသူတွေဟာ အံ့အားသင့်ပြီး မှတ်ချက်တွေ အမျိုးမျိုးပေးခဲ့ကြတာပါ။

လင်ဒါဟောင်အမည်နဲ့ အင်တာနက်အသုံးပြုသူတဦးကတော့ “ကျမ မြွေတွေကို မနှစ်သက်ပါဘူး။ ဒီလိုထိတ်လန့်ကြောက်ရွံ့စရာကောင်းတဲ့ ဗွီဒီယိုဖိုင်တွေကိုလည်း ကြည့်ခဲပါတယ်” လို့ မှတ်ချက်ရေးခဲ့ပါတယ်။



by ဒီဗွီဘီ

Originally published at - http://burmese.dvb.no/archives/177013

No comments:

Related Posts

Related Posts Plugin for WordPress, Blogger...