မိန်းမချင်းနမ်းရှုတ်နေသည့် ဓာတ်ပုံကြောင့် အရေးယူ ခံလိုက်ရတဲ့ ရဲမေနှစ်ယောက်

အာဂျင်တီးနား နိုင်ငံ Buenos Aires’s Metropolitan Police ရဲသင်တန်း ကျောင်းမှ အမျိုးသမီး ရဲတပ်သားနှစ်ယောက်ဟာ ၎င်းတို့ အချင်းချင်း နမ်းရှိုက် နေတဲ့ ပုံတွေ အွန်လိုင်းမှာ ပေါက်ကြား သွားခဲ့လို့ သက်ဆိုင်ရာက ပြင်းထန်စွာ အရေးယူ ခဲ့ပါတယ်။

ရဲမေနှစ်ယောက်ရဲ့ နာမည်မှာ Carolina Gutierrez နဲ့ Brenda del Hoyo တို့ ဖြစ်ကြ ပါတယ်။

၎င်းတို့ နှစ်ယောက်ဟာ ဘွဲ့ရခြင်း အထိန်း အမှတ်နဲ့ အောင်ပွဲခံတဲ့ သဘော အချင်းချင်း နမ်းရှုတ်ခဲ့ ကြပါတယ်။

ဒီအထိ ဘာပြဿနာမှ မပေါ်သေးပေမယ့် သူငယ်ချင်းတစ်ယောက် ဆီကို အဲဒီဓာတ်ပုံ လှမ်းပို့ပေး ခဲ့ပါတယ်။ အဲဒီကမှ တစ်ဆင့် အဆိုပါ ဓာတ်ပုံဟာ အင်တာနက်ပေါ်မှာ ချက်ချင်း ပေါက်ကြား သွားခဲ့ပါတယ်။



ဒီအတွက် သင်တန်းကျောင်းက စည်းကမ်းဖောက်ဖျက်တယ်ဆိုပြီး ၎င်းတို့နှစ်ယောက်ကို တက်ရောက်ခွင့် ပိတ်ပင် လိုက်ပါတယ်။ ဒီအတွက် Gutierrez ကတော့ ပုဂ္ဂိုလ်ရေး ရှင်းလင်းမှုနဲ့ တိုက်ပွဲ ၀င်သွားမယ်လို့ ပြောခဲ့ပါတယ်။

သူမက အွန်လိုင်းပေါ်မှာ ဒီဓာတ်ပုံပေါက်ကြားသွားရခြင်း အကြောင်းရင်းကိုလည်း ရှင်းပြ ခဲ့ပါတယ်။

Gutierrez က ” ဒီဓာတ်ပုံကို သူငယ်ချင်း တစ်ယောက်က ရိုက်လိုက်တာပါ … အဲဒါကို ကျွန်မတို့ဆီ သီးသန့်မက်ဆေ့ ပို့ပေးတယ် … အဲဒီမှာ ဖျက်လို ဖျက်စီးလုပ်လိုတဲ့ ဘယ်သူ ဘယ်ဝါရယ် လို့တော့ မသိရပါဘူး … တစ်စုံတစ်ယောက်က Screenshot ရိုက်ယူပြီး အင်တာနက်ပေါ်မှာ ဖြန့်ခဲ့တာပါ “လို့ ရှင်းလင်း ခဲ့ပါတယ်။



သူမတို့နှစ်ယောက်က ဒီဓာတ်ပုံကို ဖြန့်ဝေဖို့ အတွက် ရိုက်ကူးခဲ့တာ မဟုတ်ပဲ၊ ဘယ်သူ့ကိုမှလည်း အနှောက်အယှက်ပေးလိုတဲ့ ရည်ရွယ်ချက် မရှိပါဘူးလို့ ဆိုပါတယ်။ ဒီလို အချင်းချင်း နမ်းရှုပ်တာက အသိဉာဏ်မဲ့ရာ ကျပေမယ့် အာဏာ ပိုင်တွေရဲ့ ဆုံးဖြတ်ချက်ဟာ မတရားဘူးလို့ ၎င်းတို့က ဆိုပါတယ်။

သက်ဆိုင်ရာရဲတပ်ဖွဲ့အကြီးအကဲက ” ဒါက လိင်ပိုင်းဆို်င်ရာ ဘာညာကွိကွနဲ့ မဆိုင်ပါဘူး … သင်တန်းကျောင်း စည်းကမ်း ဖောက်ဖျက်လို့ပါ …
ဒီမှာက ယူနီဖောင်းနဲ့ ဒီလိုအပြုအမူမျိုးလုပ်တာဟာ ခွင့်လွှတ်လို့ရတဲ့ ပြစ်မှု မဟုတ်ပါဘူး … ဒါက ရဲတပ်ဖွဲ့ရဲ့ ဂုဏ်သိက္ခာနဲ့လည်း ဆိုင်ပါတယ် “လို့ ပြောခဲ့ပါတယ်။

နတ်စည်တော် (Shwemom)

source : metro.co.uk

From : SHWEMOM by netsetaw

Originally published at - http://www.shwemom.com/female-police-cadets-suspended-just-for-kissing/